سکیورٹی فورسز کی وردی پہنے اداکاروں کی اس تصویر میں ایسی کیا غلطی ہے کہ سوشل میڈیا پر ہنگامہ مچا ہوا ہے ؟ جان کر آپ کی ہنسی نہیں رکے گی
لاہور (ڈیلی پاکستان آن لائن) لالی ووڈ فلم پرواز ہے جنوں کی شوٹنگ تقریباً مکمل ہوچکی ہے اور فلم پوسٹ پروڈکشن کے مراحل میں ہے اور اس دوران اس کی تشہیر بھی جاری ہے، اسی سلسلے میں جب فلم کی مرکزی کاسٹ کی ایک تصویر شیئر کی گئی تو اس میں سوشل میڈیا صارفین نے ایک ایسی غلطی پکڑ لی کہ ہنگامہ برپا ہوگیا۔
فلم پرواز ہے جنوں میںاداکار حمزہ علی عباسی، احد رضا میر اور ہانیہ عامر مرکزی کردار میں جلوہ گر ہورہے ہیں، یہ فلم پاکستان ایئر فورس کے حوالے سے بنائی گئی ہے۔ اداکارہ ہانیہ عامر کی جانب سے سوشل میڈیا پر مرکزی کاسٹ کی ایک تصویر شیئر کی گئی جس میں تینوں اداکار پاک فضائیہ کی وردیوں میں ملبوس ہیں ۔ حمزہ علی عباسی اور احد رضا میر کی وردی میں تو کوئی مسئلہ نہیں لیکن ہانیہ عامر نے جو وردی پہن رکھی ہے اس پر جنید کے نام کا ٹیگ لگا ہوا ہے۔
دوسری جانب اداکار حمزہ علی عباسی نے جب یہی تصویر شیئر کی تو انہیں غلطی کا ادراک ہوگیا اور انہوں نے ہانیہ عامر کی وردی سے نام کا ٹیگ ہٹادیا۔
Had a great time shooting this cover shoot for GLAM. PHJ coming this eid :-) pic.twitter.com/a6TRlHsOHH
— Hamza Ali Abbasi (@iamhamzaabbasi) April 21, 2018
ہانیہ عامر کی وردی پر جنید کے نام کے ٹیگ والی غلطی سوشل میڈیا صارفین نے فوری طور پر پکڑ لی اور طرح طرح کے تبصرے شروع کردیے۔ موسیٰ نامی صارف نے سوال اٹھایا کہ جنید ہانیہ عامر جیسا کیوں لگ رہا ہے ؟۔
قاضی سمیع یہ تصویر دیکھ کر کنفیوژ ہوگئے اور پوچھنے لگے کہ فلم میں ہانیہ عامر کا نام جنید تو نہیں؟۔
خرم نصیر ذرا ڈھکے چھپے لفظوں میں فیمنسٹوں پر وار کرگئے اور کہا ’ مانا کہ عورتیں مردوں کے برابر ہیں لیکن نام تو عورتوں والا ہی اچھا لگتا ہے‘۔
سردار ذوالنورین عباسی نے اس غلطی پر برہمی کا اظہار کیا۔
دانش نے ہانیہ عامر کے نام کی غلطی کی خوب بھد اڑائی اور اسے ہانیہ عامر کی جنس کی تبدیلی سے منسوب کردیا۔
نور ڈار نے امکان ظاہر کیا کہ ایئر فورس میں سب سے چھوٹے قد کا بندہ جنید ہی ہوگا اس لیے اس کی وردی ہانیہ کو پہنائی گئی۔
اس تصویر کو دیکھ کر عامر باجوہ بھی کنفیوژ نظر آئے۔