ایم کیوایم پاکستان نے بھی نگران وزیراعظم کیلئے چار نام پیش کردیئے، کون کونسے نام شامل ہیں اور کونسی شخصیت اب تک سامنے آنیوالی فہرستوں میں مشترک ہے؟ آپ بھی جانئے
کراچی (ویب ڈیسک) ایم کیو ایم پی آئی بی نے بھی نگران وزیراعظم کے نام تجویز کردیے، ڈاکٹر عشرت حسین، تصدق جیلانی، حفیظ پاشا اور عبدالرزاق دائود فاروق ستار کی فہرست میں شامل ہیں۔پی آئی بی کالونی کراچی میں ڈاکٹر فاروق ستار نے پریس کانفرنس کی اور نگران وزیراعظم کے لیے چار نام تجویز کیے ہیں۔
یوٹیوب چینل سبسکرائب کرنے کیلئے یہاں کلک کریں
ڈاکٹر فاروق ستار کا کہنا تھا کہ انہوں نےنگران وزیراعظم کے لیے سابق چیف جسٹس تصدق حسین جیلانی، عشرت حسین، حفیظ پاشا اور عبدالرزاق دائود کے نام تجویز کیے ہیں۔وزیراعلیٰ پنجاب کے دورے کے حوالے سے بولے کہ شہباز شریف سے کوئی رابطہ نہیں ہوا، ان کی بلا سے وہ کراچی دورے پر بہادرآباد جائیں یا نائن زیرو۔ ڈاکٹر فاروق ستار نے بجلی اور پانی کی عدم فراہمی کے خلاف اتوار کو کراچی پریس کلب پر احتجاج کا اعلان بھی کیا۔
ان کا کہنا تھا کہ سب سے زیادہ ٹیکس دینے والے شہر کے ساتھ یہ زیادتی کیوں؟ صوبائی اور وفاقی حکومت کی بے حسی، مجرمانہ غفلت اور کراچی دشمنی صاف نظر آتی ہے۔ڈاکٹر فاروق ستار کا کہنا تھا کہ کے الیکٹرک اپنا قبلہ درست کرلے، غیراعلانیہ لوڈشیڈنگ بند نہ ہوئی تو ان کی حکمت عملی بھی جیسے کو تیسے والی ہوگی۔