” ہم حسن علی کی اس حرکت پر اب یہ کام کریں گے۔۔۔“ واہگہ بارڈر پر حسن علی کی ”پریڈ“ نے بھارتیوں کیساتھ ساتھ بھارتی فوج کو بھی مرچیں لگا دیں، ایسا کام کرنے کا اعلان کر دیا کہ آپ کو یقین نہیں آئے گا
نئی دہلی (ڈیلی پاکستان آن لائن) واہگہ بارڈر پر پرچم اتارنے کی تقریب کے موقع پر ہونے والی پریڈ کے دوران قومی کرکٹر حسن علی نے انڈین بارڈر سیکیورٹی فورسز اور بھارتی عوام کی جانب رخ کر کے جشن منانے کا مخصوص انداز اپنایا تو بھارتیوں کیساتھ ساتھ بھارتی فوج کو بھی ”مرچیں“ لگ ہی گئیں۔
یہ بھی پڑھیں۔۔۔”یہ رات کو پارٹیوں میں جاتے ہیں جہاں کباب کے ساتھ۔۔۔“ ایاز امیر نے میشاءشفیع کے الزامات پر ایسا تبصرہ کر ڈالا کہ ہر اداکارہ کی آنکھیں کھلی کی کھلی رہ جائیں گی، انہوں نے اپنے میک اپ روم میں جا کر لڑکیوں سے کیا کہا؟ جان کر آپ کیلئے ہنسی روکنا ہی مشکل ہو جائے گا
بھارتی میڈیا کے مطابق انڈین بارڈر فورس نے حسن علی کی جانب سے پریڈ میں مداخلت کرنے کا سختی سے نوٹس لیتے ہوئے پاکستانی رینجرز کیساتھ احتجاج ریکارڈ کرانے کا فیصلہ کیا ہے کیونکہ پروٹوکول کے مطابق تقریب میں انڈین بارڈر سیکیورٹی فورس اور پاکستان رینجرز کے جوان ہی شریک ہوتے ہیں۔
بارڈر سیکیورٹی فورسز (پنجاب فرنٹیئر) کے انسپکٹر جنرل موکول گوئل نے بھارتی خبر رساں ادارے سے گفتگو کرتے ہوئے کہا کہ ” حسن علی کی مداخلت نے پریڈ کی ’حرمت‘ کو نقصان پہنچا ہے۔ ہم پاکستان رینجرز کو احتجاج ریکارڈ کرائیں گے۔“
گوئل نے مزید کہا کہ ”بارڈر کے دونوں جانب تماشائیوں کے بیٹھنے کی جگہ پر رہ کر کوئی بھی جارحانہ انداز اپنا سکتا ہے لیکن کوئی بھی عام شخص پریڈ میں مداخلت نہیں کر سکتا۔ پریڈ سے پہلے یا پریڈ کے مطابق لوگوں کو اس طرح کے کام کرنے کی اجازت ہوتی ہے، لیکن پریڈ کے درمیان ہرگز نہیں۔“
Hasan Ali being Hasan Ali during the flag-lowering ceremony at the Wagah border pic.twitter.com/sQuiwthVLb
— ESPNcricinfo (@ESPNcricinfo) April 21, 2018
بارڈر سیکیورٹی فورس کے ترجمان اور ڈی آئی جی آر ایس کٹاریہ نے بھارتی میڈیا سے گفتگو کرتے ہوئے کہا ”میں چھٹیوں پر ہوں لیکن اس معاملے کی تحقیقات کی ہیں۔ بارڈر سیکیورٹی فورسز کے ایک افسر نے بتایا ہے کہ پاکستان کی قومی کرکٹ ٹیم پریڈ دیکھنے کیلئے واہگہ بارڈر آئی تھی۔
پریڈ کے دوران ایک پاکستانی کرکٹر نے پریڈ کے دوران ہی اشتعال انگیز اشارے شروع کر دئیے ۔ یہ پاکستانی سائیڈ پر ہوا جبکہ بعد میں پاکستانی حکام نے ہی اس کھلاڑی کو بٹھا بھی دیا۔ چونکہ یہ دو ملکوں کی فوج کے درمیان ہونے والی پریڈ ہے، اس لئے بی ایس ایف پاکستان رینجرز کو احتجاج ریکارڈ کرائے گی۔“
واضح رہے کہ گزشتہ روز واہگہ بارڈر پر ہونے والی پریڈ دیکھنے کیلئے قومی کرکٹ ٹیم کا دورہ انگلینڈ کیلئے منتخب ہونے والا سکواڈ بھی موجود تھا۔ پریڈ کے دوران حسن علی اٹھ کر واہگہ بارڈر گیٹ کے قریب گئے اور بھارتیوں کی جانب رخ کر کے اسی انداز میں جشن منایا جیسے وہ میدان میں وکٹ لینے کے بعد مناتے ہیں اور یہ ویڈیو سوشل میڈیا پر وائرل ہو گئی۔