ظفر مرزا نے وزارت صحت میں ہیلتھ سچویشن روم کا افتتاح کردیا

ظفر مرزا نے وزارت صحت میں ہیلتھ سچویشن روم کا افتتاح کردیا

  

اسلام آباد(آئی این پی) معاون خصوصی برائے صحت ڈاکٹر ظفر مرزا نے وزارت صحت میں ہیلتھ سچویشن روم کا افتتاح کردیا۔تفصیلات کے مطابق معاون خصوصی برائے صحت ڈاکٹر ظفر مرزا نے وزارت صحت میں ہیلتھ سچویشن روم کا افتتاح کردیا، سچویشن روم کو عالمی ادارہ صحت کے تعاون سے بنایا گیا ہے، اس موقع پر ڈبلیو ایچ او پاکستان کے نمائندے ڈاکٹر پلیتھا ماہی پالا بھی موجود تھے۔ظفر مرزا نے کہا ہے کہ سچویشن روم صحت سے متعلق بروقت اور درست معلومات کا اہم ذریعہ ہوگا، صحت کے شعبے میں بڑے پیمانے پر اصلاحات کی جارہی ہیں، وزیراعظم عمران خان کے نزدیک صحت کا شعبہ اولین ترجیح ہے۔واضح رہے کہ گزشتہ روز ظفر مرزا کا کہنا تھا کہ حکومت اسلام آباد کوہیلتھ کے حوالے سے ماڈل سٹی بنا رہی ہے اور یونیورسل ہیلتھ کوریج یقینی بنانے کے لیے پْرعزم ہیں۔ظفرمرزا کا کہنا تھا کہ شعبہ صحت اور عوام کی فلاح کیلئے اتھارٹی کو فعال کردار ادا کرنا ہوگا، وزیر اعظم کیوڑن کے مطابق صحت کا شعبہ ہمارا اولین ترجیح ہے۔معاون خصوصی برائے صحت کا کہنا تھا کہ حکومت پرائمری ہیلتھ کئیر سسٹم کو مضبوط بنارہی ہے، اتھارٹی کو شفافیت اور عوامی جواب دہی کی پالیسی پرگامزن رہنا ہوگا۔

ظفر مرزا

مزید :

صفحہ آخر -