قرنطینہ میں پاکستانیوں کو سہولیات کی عدم فراہمی پر برطانوی عدالت نے بڑا حکم دیدیا

قرنطینہ میں پاکستانیوں کو سہولیات کی عدم فراہمی پر برطانوی عدالت نے بڑا حکم ...
قرنطینہ میں پاکستانیوں کو سہولیات کی عدم فراہمی پر برطانوی عدالت نے بڑا حکم دیدیا

  

لندن (ویب ڈیسک) لندن ہائی کورٹ کے دو  ججوں نے ہوٹل میں قرنطینہ کرنے والے پاکستانیوں کو مناسب سہولتوں کی عدم فراہمی پر  تنقید کی ہے اور  بڑے کمرے، مناسب غذا کی فراہمی اور ورزش کے لیے کمرے سے باہر جانے کی اجازت دینے کا حکم دیا ہے۔خیال رہے کہ  ہالیڈے ان ایکسپریس میں نامساعد حالت میں رہنے والے پاکستانیوں کا معاملہ بیرسٹر زہاب جمالی نے ہائی کورٹ میں چیلنج کیا تھا۔

بیرسٹر جمالی کے مطابق  پاکستان کو ریڈ لسٹ میں ڈالنے کے سبب برطانیہ  آنے والوں کو 10 دن حکومت کے منظور شدہ ہوٹلوں میں قیام کرنا پڑ رہا ہے، ہوٹل میں قیام کرنے والوں کو چھوٹےگندے کمروں، نامناسب غذا اور ناقص سروس جیسے مسائل درپیش ہیں۔ان کا کہنا تھا کہ  روزہ داروں کو روزہ کھولنےکیلئے حرام اشیا فراہم کی گئیں۔

جیونیوز کے مطابق  ہائی کورٹ کے دو جج قرنطینہ کرنے والوں کو مناسب سہولتوں کی فراہمی کے احکامات جاری کرچکے ہیں، پہلا آرڈر جسٹس مسز لینگ ڈی بی ای نے 16 اپریل کو دیا اور دو دن میں آپ ڈیٹ مانگا تھا، دوسرا آرڈر 19 اپریل کو جسٹس ہینشا نے دیا اور نوٹ کیا کہ گزشتہ حکم پر عمل نہیں ہوا ہے۔

مزید :

برطانیہ -تارکین پاکستان -