محمد یوسف نے قربانی کیلئے ایک ملین کابلیک کنگ خرید لیا

محمد یوسف نے قربانی کیلئے ایک ملین کابلیک کنگ خرید لیا

کراچی (سپورٹس ڈیسک)کراچی میں مویشی منڈی کی رونقوں نے سابق کرکڑ محمد یوسف کو بھی گھر بیٹھنے نا دیا ،رات گئے محمد یوسف سہراب گوٹھ مویشی منڈی چلے آئے اور ہلکا پھلکا نہیں پورے ایک ملین کا بیل خرید بیٹھے۔ کراچی میں لگی ایشیا کی سب سے بڑی مویشی منڈی میں اب تک 4 لاکھ جانور ملک کے مختلف شہروں سے قربانی کیلئے لائے جاچکے ہیں۔آسمان سے باتیں کرتی ان جانوروں کی قیمتیں تو ضرور ہوش اڑا دیتی ہیں، مگر ان قربانی کے جانوروں کی خوبصورتی بھی توجہ بھٹکنے نہیں دیتی ۔ یہ ہی وجہ ہے جو سابق کرکٹر محمد یوسف کو لاہور سے کراچی کھینچ لائی،مویشی منڈی کے ایک کیٹل فارم میں موجود بلیک کنگ نے محمد یوسف کو ایسا متوجہ کیا، کہ پھر وہ کہیں اور نا دیکھ سکے۔ سابق کرکٹر کا یہ سودہ کوئی ہلکا پھلکا نہیں ایک دم بلیک کنگ کی طرح بھاری بھرکم ہے،پورے ایک ملین کا سودہ ہے۔

مزید : کھیل اور کھلاڑی