الیکشن کمیشن نے عمران خان کیخلاف نااہلی کی درخواست خارج کردی

الیکشن کمیشن نے عمران خان کیخلاف نااہلی کی درخواست خارج کردی

اسلام آباد(این این آئی)الیکشن کمیشن نے پاکستان تحریک انصاف کے چیئرمین عمران خان کیخلاف نااہلی کی درخواست عدم پیروی پر خارج کردی ہے۔ الیکشن کمیشن میں عمران خان کی نااہلی کی درخواست ہاشم بھٹہ نے دائر کی تھی جس میں مؤقف اختیار کیا گیا تھا کہ عمران خان نے الیکشن کمیشن میں جھوٹا حلف نامہ پیش کیا ہے۔کیس کی سماعت چیف الیکشن کمشنر کی سربراہی میں 5 رکنی بینچ نے کی۔ عمران خان کی جانب سے ان کے وکیل شاہد گوندل پیش ہوئے تاہم درخواست گزار ہاشم بھٹہ کیس کی سماعت میں پیش نہ ہوسکے۔ الیکشن کمیشن کے 5 رکنی بینچ نے کیس کی عدم پیروی پر ہاشم بھٹہ کی درخواست خارج کردی۔

الیکشن کمشن

مزید : صفحہ آخر