ایم کیوایم لندن کا ایس آر اے سے گٹھ جوڑ کا انکشاف 

    ایم کیوایم لندن کا ایس آر اے سے گٹھ جوڑ کا انکشاف 

  

کراچی(کرائم رپورٹر) سیکیورٹی اداروں نے قانون نافذ کرنے والے اداروں پر کریکر حملوں میں ملوث ہونے کے شعبے میں متعدد افراد کو حراست میں لے لیاہے۔تفصیلات کے مطابق سی ٹی ڈی اور حساس اداروں نے دہشتگردوں کے گرد گھیرا مزید تنگ کردیاہے، کراچی میں قانون نافذ کرنیوالے اداروں پر کریکرحملوں کے واقعات کی تحقیقات کے دوران سیکیورٹی اداروں کی جانب سے متعدد افراد کو حراست میں لیا گیا ہے۔ایڈیشنل آئی جی سی ٹی ڈی ڈاکٹر جمیل کے مطابق جن ملزمان نے حملے کئے انکے قریب پہنچ چکے ہیں، تنظیم کا لیڈر اصغر شاہ افغانستان روپوش ہوگیاہے۔ایڈیشنل آئی جی نے بتایا کہ اصغر شاہ بدین میں رن کچھ کے مقام سے بھارت بھی گیا تھا، را، بی ایل اے اور ایس آر اے کو فنڈنگ کررہی ہے، کالعدم تنظیم کے لڑکوں کو افغانستان میں ٹریننگ دی جاتی ہے، دہشتگرد افغان سرحدی علاقوں میں پہاڑوں میں پناہ لے رہے ہیں۔ڈاکٹر جمیل نے بتایاکہ دہشتگردوں کیلیے کام کرنے والے نئے لڑکے تعلیم یافتہ، ٹیکنالوجی ماہر ہیں، کریکر چھپانے کیلیے ملزمان سیٹ کا فوم نکال کر اسکے اندر چھپاتے ہیں، کافی حد تک معلومات حاصل کرلیں ہیں لیکن اہم معلومات کا انتظار ہے۔ایڈیشنل آئی جی سی ٹی ڈی  نے کہا کہ حالیہ دہشتگردی میں ایم کیو ایم لندن بھی ملوث ہے، ایم کیو ایم لندن کا ایس آر اے سے گٹھ جوڑ کا انکشاف ہوا ہے۔

مزید :

صفحہ آخر -