نشترزخم لگاتا ہے، تو نشتر سے کھلواتا ہوں| وحید احمد |
علاج بالمثل
نشترزخم لگاتا ہے، تو نشتر سے کھلواتا ہوں
سِلواتا ہوں
پھنَیر نیل اتارتا ہے تو منکے میں رِ سواتا ہوں
کھنچواتا ہوں
ُٓپانی گرمی گھولتا ہے
تو پانی کا ٹھنڈا پیالہ منگواتا ہوں
جب شبِ زندہ داری میں مے چڑھتی ہے
تو صبح صبوحی کی سیڑھی لگواتا ہوں
عورت چرکا دیتی ہے تو عورت کو بلواتا ہوں
دکھلاتا ہوں
اک عادت کے گھاو پہ دوسری عادت باندھتا ہوں
میں عورت کے زخم کے اوپر عورت باندھتا ہوں
شاعر: وحید احمد
(شعری مجموعہ:نظم نامہ؛سالِ اشاعت،2012 )
Elaaj Bilm ٘ Misl
Nishtar Zakhm Lagaata Hay To Nishtar Say Khulwaata Hun
Silvaata Hun
Phanior Neel Utaarta Hay To Mankay Men Riswaata Hun
Khinchwaat Hun
Paani Gharmi Gholta Hay
To Paani Ka Thanda Payaala Mangwaata Hun
Jab Shab- e - Zinda Daari Men May Charhti Hay
To Subh Saboohi Ki Seerrhi Lagwaata Hun
Aorat Chirka Daiti Hay To Aorat Ko Bulwaata Hun
Dikhlaata Hun
Ik Aadat K Ghaao Pe Doosari Aadat Baadhta Hun
Main Aorat K Zakhm K Oopar Aorat Baandhta Hun
Poet: Waheed Ahmad