سبزہ زار میں خاتون کو ہراساں کرنے والا اوباش گرفتار

لا ہو ر (کر ائم رپو رٹر)لاہور سبزہ زار کے علاقے میں سڑک پر جاتی خاتون کو ہراساں کرنے والے اوباش کو گرفتار کر لیا گیا۔ خاتون نے ویمن سیفٹی ایپ کے ذریعے ورچوئل ویمن پولیس سٹیشن سے"چیٹ فیچر "کے ذریعے رابطہ کیا۔خاتون نے بتایا روزانہ آفس جاتے ایک انجان شخص موٹر سائیکل پر اس کا پیچھا کرتا ہے اور نازیباہ فقرے کستا ہے۔خاتون نے سیف سٹی کیمروں کے ذریعے ملزم کی شناخت کرنے کی درخواست کی جس پر ورچوئل ویمن پولیس سٹیشن نے شناخت کرتے ہوئے فوراً پولیس کو موقع پر بھجوایا۔پولیس نے خاتون کے بتائیے گئے حلیے اور لوکیشن سے ملزم کو گرفتار کر لیا۔ اوباش کو تحریری معافی مانگنے اور آئندہ ایسی حرکت نہ کرنے پر چھوڑ دیا گیا۔