فیض حمید کا احتساب فوج کررہی ہے، عدلیہ 9مئی کا انصاف کرے، یوسف گیلانی 

 مٹیاری (مانیٹرنگ ڈیسک) چیئرمین سینیٹ یوسف رضا گیلانی نے کہا کہ یہ وقت اختلافات کا نہیں، تمام سیاسی جماعتوں کو متحد ہونا چاہئے۔ یوسف رضا گیلانی نے بھٹ شاہ میں مزار پر میڈیا سے گفتگو کرتے ہوئے کہا کہ شاہ عبداللطیف بھٹائی نے امن محبت شفقت کا درس دیا ہے،  شاہ محمود قریشی کو جیل ڈالنے کے متعلق سوال پر انہوں نے کہا کہ سب کو ملکر کام کرنا ہوگا، میں بھی غریبوں کو نوکریاں دینے پر 9 سال جیل میں رہا، مگر میں نے نہ کسی جج نہ کسی ادارے کا نام لیا، شہید بینظیر اور آصف زرداری نے بھی جیل کاٹی، ذوالفقار علی بھٹو شہید ہوئے، نواز شریف، شہبازشریف، حمزہ شہباز، مریم نواز کو بھی جیلوں میں جانا پڑا، میں تنقید نہیں کرنا چاہتا کہ کس کو جیل جانا چاہئے کسی کو نہیں، ریلیف دینا عدالتوں کا کام ہے۔چیئرمین سینیٹ نے کہا  اگر مولانا صاحب تبدیلی کی بات کرتے ہیں تو پھر آجائیں، پھر مولانا صاحب ہمارے ساتھ بیٹھیں گے، جنرل فیض حمید کا احتساب فوج کا ذاتی ادارہ کر رہا ہے اس پر بات نہیں کروں گا، عدلیہ کو چاہئے کہ جلد نو مئی کے واقعہ پر انصاف کرے۔ سکھر حیدرآباد موٹروے منصوبہ اہم ہے جس کو جلد مکمل ہونا چاہئے۔

 یوسف رضا گیلانی