پرویز الٰہی کک بیکس کیس، عدالتی فیصلے کیخلاف نیب کی درخواست مسترد، 5لاکھ جرمانہ عائد
لاہور (نامہ نگار خصوصی) لاہور ہائیکورٹ نے سابق وزیر اعلیٰ پرویز الٰہی کو نیب انکوائری کی دستاویزات فراہمی کرنے کے عدالتی فیصلے کیخلاف نیب کی درخواست مسترد کرنے سمیت جر مانہ عائد کردیا، لاہور ہائیکورٹ کے جسٹس طارق سلیم شیخ کی سربراہی میں دو رکنی بنچ نے نیب کی درخواست پر سماعت کی، دو رکنی بنچ نے عدالتی وقت ضائع کرنے پر نیب کو دو لاکھ روپے جرمانہ بھی کر دیا، نیب نے احتساب عدالت کے اْس فیصلے کو چیلنج کیا گیا جس کے تحت پرویز الٰہی کو کک بیکس لینے کے ریفرنس میں گواہوں سمیت دیگر دستاویزات فراہم کر نے کا حکم دیا گیا، سماعت کے دوران وکیل نے بتایا تمام فریقین کو نوٹس موصول نہیں ہوئے،استدعا ہے دیگر فریقین کے وکلا کیساتھ ملکر دلائل دینگے، نیب نے درخواست میں یہ مو قف اختیار کیا گیا احتساب عدالت میں پرویز الٰہی سمیت دیگر ملزموں کیخلاف ترقیاتی منصوبوں میں کک بیکس لینے کے الزام میں ریفرنس زیر سماعت ہے اور احتساب عدالت نے پرویز الٰہی کو گواہوں کے بیانات سمیت دستاویزات فراہم کرنے کا حکم دیا، نیب درخواست میں نکتہ اٹھایا گیا انکوائری کی دستاویزات اور گواہوں کے بیانات کی نقول فراہم نہیں کی جاسکتی، اس لیے عدالت کا حکم قانون سے مطابقت نہیں رکھتا، درخواست میں استدعا کی گئی احتساب عدالت کا دستاویزات فراہم کرنے کا حکم کالعدم قرار دیا جائے۔
نیب درخواست مسترد
