مختلف ایئرپورٹس سے 26 غیر ملکی پروازوں کی آمد اور روانگی تاخیر کا شکار،2 منسوخ
لاہور (ڈیلی پاکستان آن لائن )ملک بھر کے مختلف ایئر پورٹس سے 26 غیر ملکی پروازوں کی آمد اور روانگی تاخیر کا شکار ہوگئی۔
فلائٹ شیڈول کے مطابق کراچی لاہور سے جدہ کیلئے پی آئی اے کی 2 پروازیں منسوخ ہوگئیں۔دوسری جانب کراچی جدہ نجی ایئر لائن کی 2 پروازیں ساڑھے 4 گھنٹے، دبئی کراچی کی غیر ملکی ایئر لائن کی پرواز 3 گھنٹے، غیر ملکی ایئرلائن کی دمشق کراچی کی پروازیں 2 گھنٹے، دبئی لاہور کی نجی ایئر کی پرواز شیڈول سے 8 گھنٹے اور لاہور سے جدہ، استنبول، کویت سٹی کی 4 پروازیں ایک سے زائد گھنٹہ تاخیر کا شکار ہیں۔بحرین سیالکوٹ کی غیر ملکی پروازیں 2 گھنٹے، اسلام آباد جدہ پرواز 3 گھنٹے، اسلام آباد بحرین کی گلف ایئر کی پرواز ایک گھنٹہ، پی آئی اے کی اسلام آباد کوالالمپور کی پرواز ایک گھنٹہ اور اسلام آباد شارجہ کی نجی ایئر لائن کی پرواز ساڑھے 3 گھنٹے تاخیر کا شکار ہیں۔
