’’ پاکستان کو بہت کچھ کھونا پڑے گا اگر۔ ۔ ۔ ‘‘ امریکی نائب صدر مائیک پینس بھی ٹرمپ کی زبان بولنے لگے

’’ پاکستان کو بہت کچھ کھونا پڑے گا اگر۔ ۔ ۔ ‘‘ امریکی نائب صدر مائیک پینس ...
’’ پاکستان کو بہت کچھ کھونا پڑے گا اگر۔ ۔ ۔ ‘‘ امریکی نائب صدر مائیک پینس بھی ٹرمپ کی زبان بولنے لگے

  

کابل(ویب ڈیسک) امریکا کے نائب صدر مائیک پینس کا کہنا ہے کہ دہشت گردوں اور مجرموں کو پناہ دینے سے پاکستان کو بہت کچھ کھونا پڑے گا، لیکن امریکا کی شراکت داری سے اسلام آباد کو بہت کچھ حاصل ہوگا۔

خبر رساں ادارے رائٹرز کے مطابق مائیک پینس گذشتہ رات افغانستان کے غیر اعلانیہ دورہ پر بگرام ایئربیس پہنچے، جہاں سے وہ بذریعہ ہیلی کاپٹر کابل گئے اور صدارتی محل میں افغان صدر اشرف غنی اور چیف ایگزیکٹو عبداللہ عبداللہ سے ملاقات کی۔

براہ راست ٹی وی نشریات دیکھنے کے لیے یہاں کلک کریں۔

مائیک پینس نے افغان رہنماؤں کو بتایا کہ ان کی یہاں موجودگی اس بات کا ثبوت ہے کہ 'امریکا یہاں کی صورتحال پر نظر رکھے ہوئے ہے'۔اس موقع پر افغان صدر اشرف غنی نے امریکی حکومت کا شکریہ ادا کیا اور کہا کہ افغانستان کی امریکا کے ساتھ شراکت داری میں بہت سی قربانیاں بھی شامل ہیں۔ امریکی نائب صدر مائیک پینس نے افغان صدر سے ملاقات کے حوالے سے میڈیا کو بتایا، 'یقین ہےکہ ہم افغانستان میں فتح سے زیادہ قریب ہوگئے ہیں'۔ ان کا مزید کہنا تھا کہ امریکا کو درپیش خطرے کے خاتمے تک امریکی فورسز افغانستان میں رہیں گی۔

اس موقع پر پاکستان کے حوالے سے گفتگو کرتے ہوئے مائیک پینس نے امریکی صدر ڈونلڈ ٹرمپ جیسا لب ولہجہ اپنایا اور کہا کہ 'دہشت گردوں کو پناہ دینےکے دن ختم ہوگئے، پاکستان کو امریکا کی شراکت داری سے بہت کچھ حاصل ہوگا، لیکن دہشت گردوں اور مجرموں کو پناہ دینے سے بہت کچھ کھونا پڑے گا'۔

واضح رہے کہ امریکا کی جانب سے وقتاً فوقتاً پاکستان سے اپنی سرزمین پر دہشت گردوں کے خلاف کارروائی کا مطالبہ کیا جاتا رہا ہے۔

مزید : بین الاقوامی