ساجد سدپارہ نے والد کی بیس کیمپ کی آخری ویڈیو جاری کردی

ساجد سدپارہ نے والد کی بیس کیمپ کی آخری ویڈیو جاری کردی
ساجد سدپارہ نے والد کی بیس کیمپ کی آخری ویڈیو جاری کردی
سورس:   Twitter/@sajid_sadpara

  

لاہور (ویب ڈیسک) کے ٹو کی سرما مہم جوئی کے دوران لاپتہ  ہونے والےمعروف پاکستانی کوہِ پیما علی سدپارہ کی بیس کیمپ میں گزاری آخری رات کی ویڈیو ان کے صاحبزادے ساجد سدپارہ نے جاری کردی اور اسے زندگی کی دشوار ترین رات قرار دیا ہے۔

ساجد سدپارہ نے والد اور ساتھی کوہِ پیماؤں کی ویڈیو شیئر کرتے ہوئے کہا کہ ساتھی کوہِ پیماؤں، ٹیم اور والد کے ہمراہ میری زندگی کی طویل ترین اور دشوار ترین رات۔‘

ساجد سدپارہ کی جانب سے جاری ویڈیو میں دیکھا جاسکتا ہے کہ بیس کیمپ میں موجود تمام کوہ پیما اپنے کوہِ پیمائی کے سامان کی دیکھ بھال اور حفاظت میں مصروف ہیں۔انہوں نے اپنے ٹوئیٹ میں جعلی اکائونٹ کے بارے میں خبردار کرتے ہوئے لکھا کہ وہ  اب یہ ویڈیو ڈائون لوڈ کرکے دوبارہ لگائے گا ، یہ انتہائی دردناک ہے لیکن مجھے ان جعلی اکائونٹس کو روکنے کے لیے یہ شیئرکرنا ہوگا۔ 

یاد رہے کہ گزشتہ دنوں محمد علی سدپارہ کے بیٹے ساجد سدپارہ نے حکومت گلگت ٹوارزم کے ہمراہ پریس کانفرنس میں والد کی موت کی تصدیق کی تھی۔

مزید :

علاقائی -پنجاب -لاہور -