صوابی کی عائشہ گل نے پہلی اے آئی جی بن کر تاریخ رقم کر دی
پشاور ( ڈیلی پاکستان آن لائن ) صوابی کی عائشہ گُل نے صوبے کی پہلی اسسٹنٹ انسپکٹر جنرل ( اے آئی جی بن کر تاریخ رقم کر دی ، عائشہ گُل کو اے آئی جی جینڈر ایکولٹی تعینات کیا گیا ہے ۔
عائشہ گُل خواتین ، ٹرانس جینڈرز اور بچوں کے حقوق پر کام کریں گی ، اس ضمن میں سنٹرل پولیس آفس میں جینڈر ایشوز کیلئے ہیلپ ڈیسک قائم کیا گیا ہے ۔
واضح رہے کہ اس سے قبل فیصل آباد سے تعلق رکھنے والی حنا منور سوات میں فرنٹیئر کونسٹیبلری ( ایف سی ) کی 114 سالہ تاریخ میں پہلی خاتون ضلعی کمانڈنگ آفیسر کی پوزیشن پر تعینات کی گئی تھیں ۔
گزشتہ برس صوبے کی تاریخ میں پہلی مرتبہ خاتون پولیس افسر کو ضلعی پولیس کا سربراہ تعینات کیا گیا تھا ۔
