ترکیہ میں زلزلہ زدگان کی مدد کےلئے گئی پہلی ریسکیو ٹیم وطن واپس پہنچ گئی

 
لاہور(کر ائم رپو رٹر) ترکیہ میں زلزلہ متاثرین کی مدد کے لئے گئی پہلی پاکستانی ریسکیو ٹیم وطن واپس پہنچ گئی، ریسکیو ٹیم نے 13 روزتک مختلف امدادی سرگرمیوں میں حصہ لیا 47رکنی الخدمت فاﺅنڈیشن ریسکیو ٹیم علامہ اقبال انٹرنیشنل ایئرپورٹ لاہور پر پہنچی جہاں ترک قونصل جنرل امیراوزبے نے ٹیم کا استقبال کیا۔ترک قونصل جنرل کا اس موقع پر کہنا تھا کہ ترک عوام کی بھرپور امداد کرنے پر پاکستان کے مشکور ہیں، پاکستان نے فوری رسپانس دے کر عوام کے دل جیت لئے ریسکیورز کے مطابق ٹیم نے 6 زندہ افراد اور 56 میتوں کو تباہ شدہ عمارتوں کے ملبوں سے نکالا۔
واضح رہے کہ ترکیہ میں 6فروری کو 7.8شدت کا زلزلہ آیا تھا جس کے نتیجے میں ترکیہ اور شام میں 47,000 سے زائد افراد جاں بحق ہوئے تھے۔