آئی ایم ایف کے کہنے پر پیشگی اقدامات کرلیے ، جلد معاشی استحکام آئیگا : عائشہ غوث 

آئی ایم ایف کے کہنے پر پیشگی اقدامات کرلیے ، جلد معاشی استحکام آئیگا : عائشہ ...

  IOS Dailypakistan app Android Dailypakistan app


اسلام آباد(آئی این پی)وزیر مملکت خزانہ عائشہ غوث پاشا نے کہا ہے کہ پاکستان نے آئی ایم ایف کے کہنے پر تمام پیشگی اقدامات کرلیے ہیں پاکستان کے پاس معاشی مسائل سے نکلنے کی حکمت عملی ہے اسلام آباد میں میڈیا سے گفتگو کرتے ہوئے انہوں نے کہا کہ عوام دیوالیہ ہونے کے پروپیگنڈے پر کان نہ دھریں، پاکستان نے ڈیفالٹ کیا ہے نہ کرے گا۔پاکستان اپنی تمام بین الاقوامی ذمے داریاں پوری کرے گا اور اب تک کوئی ایسی ذمے داری نہیں جو پاکستان نے پوری نہ کی ہو آئی ایم ایف سے بات چیت حتمی مراحل میں ہے جو مثبت انداز میں مکمل ہوجائے گی پارلیمنٹ نے 170ارب روپے کا منی بجٹ پاس کرلیا جس کے نوٹیفکیشن بھی جاری ہیں امیر طبقے کو حاصل سبسڈیز ختم کی جارہی ہیں، بجلی اورگیس کا زیادہ استعمال کرنے والوں کے لیے ٹیرف بڑھایا گیا ہے بجلی اور گیس کی سبسڈی صرف غریب طبقات کے لیے ہوگی پاکستان کی معاشی مشکلات کی ایک وجہ بین الاقوامی حالات بھی ہیں، لیکن پاکستان کے پاس معاشی مسائل سے نکلنے کی حکمت عملی ہے، ملک میں بہت جلد معاشی استحکام بحال ہوجائے گا۔
عائشہ غوث

مزید :

صفحہ آخر -