بجلی کمپنیوں کی صارفین سے 17 ارب سے زائد وصولی کی درخواست، نیپرا آج سماعت کرے گا
اسلام آباد(ڈیلی پاکستان آن لائن)بجلی کمپنیوں نے صارفین سے 17 ارب 19 کروڑ 80 لاکھ روپے وصولی کی درخواست دائر کردی،بجلی کمپنیوں نے رواں مالی سال کی دوسری سہہ ماہی ایڈجسٹمنٹ کی مد میں درخواست دائر کی،نیپرا اتھارٹی آج بجلی کمپنیوں کی درخواست پر سماعت کرے گی۔
نجی ٹی وی چینل ہم نیوز کے مطابق لیسکو نے 6 ارب 34 کروڑ 70 لاکھ روپے وصولی کی اجازت مانگی ہے،گیپکو نے 6 ارب 56 کروڑ 60 لاکھ روپے وصولی کی اجازت مانگی ہے،فیسکو کی جانب سے صارفین سے 4 ارب 47 کروڑ 90 لاکھ روپے وصولی کی درخواست کی گئی ہے،میپکو نے 2 ارب 40 کروڑ 70 لاکھ ، آئیسکو ایک ارب 32 کروڑ 20 لاکھ روپے وصولی کی درخواست کی ہے۔
