لمبی جوانی کے لیے برطانوی ڈاکٹر کے حیران کن حد تک آسان مشورے

لمبی جوانی کے لیے برطانوی ڈاکٹر کے حیران کن حد تک آسان مشورے
لمبی جوانی کے لیے برطانوی ڈاکٹر کے حیران کن حد تک آسان مشورے

  


لندن(نیوزڈیسک)لمبی جوانی اور صحت مند زندگی کی خواہش ہر انسان کو ہوتی ہے اور اس مقصد کے لئے وہ مختلف کام کرتا ہے لیکن ایک ماہر صحت ڈاکٹر میورگرے نے اس سلسلے میں انتہائی آسان طریقے بتائے ہیں۔آئیے وہ طریقے جاتے ہیں۔

سوشل میڈیا پر وقت ضائع کرنے والی خواتین کو سائنس نے بڑی خوشخبری سنا دی ،جاننے کیلئے کلک کریں

نظام انہضام کی مضبوطی

ہم میں سے اکثر لوگ اوائل عمری سے ہی قبض جیسے موذی مرض کا شکار ہوجاتے ہیںاور یہ بیماری دیگر بیماریوں کو جنم دیتی ہے اور انسان وقت سے پہلے ہی خود کو بوڑھا محسوس کرنے لگتا ہے۔ ماہرین صحت کا کہنا ہے کہ یہ مسئلہ فائبر والی غذاﺅں کے کم استعمال کی وجہ سے پیدا ہوتا ہے لہذا اگر اپنی خوراک میں ایسی غذاﺅں کا استعمال کیا جائے جن میں فائبر ہو مثلاًجو، دالیں،پھل،دلیہ، خشک میوہ جات وغیرہ کا استعمال کریں۔ایسی غذائیں جو خالص گندم سے بنی ہوں وہ بھی اس مقصد کے لئے بہت مفید ہیںکیونکہ یہ قبض دور کرتی ہیں۔ آپ انتہائی آسانی کے ساتھ اپنے کھانے کی عادات میں معمولی تبدیلیاں کر کے یہ صحت مند زندگی گزار سکتے ہیں۔ اگر آپ صبح کے ناشتے میں عام بریڈ کھانے کی بجائے بران بریڈ کا استعمال کریںتو یہ ایک اچھا آغاز ہو سکتا ہے جبکہ دوپہر کے کھانے میں پھلوں کا استعمال آپ کو تازہ دم رکھے گا۔اس طریقے سے آپ کا نظام انہضام بھی درست کام کرے گا اور آپ کی صحت اچھی رہے گی۔

جگر کی مضبوطی

عمر کا زیادہ ہونا جگر کی بیماریوں کا باعث نہیں ہے بلکہ ہمارے کھانے اور مشروبات بھی جگر کو کمزور کر دیتے ہیں۔جو لوگ شراب نوشی کرتے ہیں ان میں جگر کی بیماری کا زیادہ چانس ہوتا ہے اور ایک کمزور جگر تیزی سے آپ کو بڑھاپے کی طرف لے جاتا ہے لہذا اس بات کو یقینی بنائیں کہ آپ نے شراب نوشی سے پرہیز کرنا ہے۔اسی طرح زیادہ چکنائی والی غذاﺅں سے بھی بچنا ہے۔

پھیپھڑوں کی مضبوطی

کئی واقعات میں دیکھنے کو ملا ہے کہ انتہائی ضیعف العمر افراد نے دوڑنے کے عالمی ریکارڈ قائم کئے یعنی اگر آپ کے پھیپھڑے مضبوط ہیں تو آپ لمبی عمر پا سکتے ہیں۔اگر آپ کافی عرصے سے تمباکو نوشی کر رہے ہیں تو ابھی چھوڑ دیں۔ یہ مت سوچیں کہ اب دیر ہو چکی ہے بلکہ ابھی بھی آپ کے پاس بہت وقت ہے۔تحقیق میں یہ بات ثابت ہوئی ہے کہ جن افراد نے 70سال کی عمر میں بھی سگریٹ چھوڑی وہ بھی پھیپھڑوں کے سرطان سے محفوظ رہے لیکن شرط یہ ہے کہ آپ کو آج ہی سے تمباکو نوشی سے پرہیز کرنا ہے۔پھیپھڑوں کی مضبوطی کے لئے لمبے لمبے سانس لیں کہ اس طرح انہیںتازہ آکسیجن مہیا ہو گی۔

دل کی مضبوطی

ہمارا دل ایک مسل ہے اور وقت کے ساتھ یہ کمزور ہو رہا ہوتا ہے اور اس کی مضبوطی کے لئے آپ کو چاہیئے کہ تمباکو نوشی چھوڑ دیں اورایسی غذاﺅں کا استعمال کریں جن سے دل کو آرام ملے۔روزانہ ورزش کریںاور اپنے بلڈ پریشر کا خاص خیال رکھیں۔کھانے میں لہسن اور شہد کا استعمال کریں۔

جوڑوں اور ہڈیوں کی مضبوطی

عمر بڑھنے کے ساتھ انسانی جوڑ اور ہڈیاں کمزور ہوتی ہیں۔ آپ کو چاہیئے کہ ورزش کریں اور ایسی غذائیں استعمال کریں جو جوڑوں اور ہڈیوں کو مضبوط کریں۔صبح یا شام کی سیر کو اپنا معمول بنا لیں، اپنے کھانے میں کیلشیم اور وٹامن ڈی والی غذاﺅں کی مقدار بڑھا دیں۔ اس مقصد کے لئے دودھ کا استعمال بہت مفید ہے۔ اسی طرح وٹامن ڈی اور کیلشیم کی گولیاں کھائیں جو آپ کے جوڑوں اور ہڈیوں کو مضبوط کریں گی۔ سورج میں زیادہ سے زیادہ بیٹھیں کہ یہ وٹامن ڈی کا سب سے اہم ذریعہ ہے۔

دماغ اور یاداشت کی مضبوطی

عمر لمبی ہونے کے ساتھ ایک مسئلہ جو اکثر دیکھنے کو ملنا ہے وہ یاداشت کی کمزوری ہے اور اسی طرح کسی دماغ کی صحت بھی متاثر ہو رہی ہوتی ہے۔ماہر صحت کا کہنا ہے کہ ایسی صورت میں جسم کو زیادہ سے زیادہ آرام دیں اور کم از کم سات گھنٹے کی نیند کو یقینی بنائیں کہ اس طرح آپ کا دماغ تازہ دم رہے گا۔ دماغ کو مضبوط بنانے والی ورزشیں اور گیمز بھی یاداشت کو بہتر بنانے میں اہم کردار ادا کرتی ہیں۔ہمیشہ کوئی نئی چیز سیکھنے کی کوشش کریںاور زیادہ سے زیادہ پڑھنے کی کوشش کریں اور انہیں یاد رکھنے کی مشق کریں تا کہ آپ کو چیزیں یاد رہیں۔

ریڑھ کی ہڈی اور پاﺅں کی مضبوطی

اس مقصد کے لئے اپنے وزن کو کم کریں کیونکہ زیادہ وزن کی وجہ سے آپ کی ریڑھ کی ہڈی اور پاﺅں پر زیادہ بوجھ پڑتا ہے۔اسی طرح اپنے کمپیوٹر کو ایسی جگہ رکھیں جس سے آپ کے کندھے اور ریڑھ کی ہڈی پرسکون حالت میں رہیں۔روزانہ کی واک اور ایسے جوتے استعمال کریں جو آپ کے پاﺅں پر بھاری نہ ہوں۔

دانتوں کو صاف رکھیں

سگریٹ نوشی، ترش اور تیز مشروبات سے پرہیز کریں کیونکہ یہ دانتوں کو خراب کردیتے ہیں۔ اسی طرح رات اور صبح کے وقت اپنے دانت صاف کریں جبکہ ٹوتھ برش کو ہر دو مہینے بعد تبدیل کریں۔

آنکھ اور کان کی صفائی

اپنی آنکھوں کو صاف رکھیں اور ان کا چیک اپ باقاعدگی سے کروائیں۔ آنکھوں کو تازہ پانی سے دھوئیں اور مٹی سے بچائیں۔عمر گزرنے کے ساتھ نظر کی کمزوری ایک عام سی بات ہے لہذا باقاعدہ چیک اپ آپ کو آنکھوں کی بیماری سے بچائے گا۔

مزید : تعلیم و صحت


loading...