’’چند ماہ قبل پاکستان نے بھارت کے 17 فوجیوں کو ہلاک کیا تھا جس کے بعد بھارتی فوج۔ ۔ ۔ ‘‘ بھارتی وزیرداخلہ کا ایسا دعویٰ کہ جان کرہی آپ کی ہنسی چھوٹ جائے گی

’’چند ماہ قبل پاکستان نے بھارت کے 17 فوجیوں کو ہلاک کیا تھا جس کے بعد بھارتی ...
’’چند ماہ قبل پاکستان نے بھارت کے 17 فوجیوں کو ہلاک کیا تھا جس کے بعد بھارتی فوج۔ ۔ ۔ ‘‘ بھارتی وزیرداخلہ کا ایسا دعویٰ کہ جان کرہی آپ کی ہنسی چھوٹ جائے گی

  IOS Dailypakistan app Android Dailypakistan app

 نئی دہلی(ویب ڈیسک) بھارتی وزیر داخلہ راج ناتھ نے گیدڑ بھبکی ماری ہے کہ بھارتی فوج پاکستان میں بھی گھس کر کارروائی کرسکتی ہے۔چند ماہ قبل پاکستان نے بھارت کے 17 فوجیوں کو ہلاک کیا تھا، وزیراعظم نریندر مودی نے اس سنگین مسئلے پر تمام اعلیٰ حکام سے مشاورت کی جس کے بعد بھارتی فوج نے پاکستان میں داخل ہوکر وہاں عسکریت پسندوں کے خلاف کارروائی کی۔

 بھارتی وزیر داخلہ راج ناتھ نے لکھنؤ میں جلسے سے خطاب کرتے ہوئے کہا کہ بھارت نہ صرف اپنی سرزمین بلکہ دوسرے ملک میں بھی گھس کر دشمن کے خلاف کارروائی کرسکتا ہے،دنیا میں بھارت ایک مضبوط ملک کے طور پر سامنے آرہا ہے، اور ہم نے دنیا کو ٹھوس پیغام دیا ہے کہ ہم نہ صرف اپنے ملک کے اندر بلکہ دشمن کی سرزمین کے اندر بھی اس کے خلاف کارروائی کرسکتے ہیں، بھارت تو پاکستان سے دوستانہ تعلقات چاہتا ہے لیکن پاکستان ہمارے ساتھ خوشگوار مراسم قائم کرنا نہیں چاہتا۔

واضح رہے کہ بھارت کی جانب سے مسلسل لائن آف کنٹرول اور ورکنگ باؤنڈری پر سیز فائر معاہدے کی خلاف ورزی کی جارہی ہے جبکہ کئی ماہ سے جاری بھارتی فوج کی بلااشتعال فائرنگ اور گولہ باری کے نتیجے میں متعدد پاکستانی شہری اور پاک فوج کے جوان شہید اور زخمی ہوچکے ہیں۔