”آپ کا باورچی چھوٹا نوازشریف بنا ہواہے جو کہ ۔۔“ چیئرمین فوڈ اتھارٹی پنجاب عمر تنویر بٹ کی بات سن کر عظمیٰ بخاری شدید غصے میں آ گئیں ،لائیو پروگرام میں ’لڑائی‘ ہو گئی

”آپ کا باورچی چھوٹا نوازشریف بنا ہواہے جو کہ ۔۔“ چیئرمین فوڈ اتھارٹی پنجاب ...
”آپ کا باورچی چھوٹا نوازشریف بنا ہواہے جو کہ ۔۔“ چیئرمین فوڈ اتھارٹی پنجاب عمر تنویر بٹ کی بات سن کر عظمیٰ بخاری شدید غصے میں آ گئیں ،لائیو پروگرام میں ’لڑائی‘ ہو گئی

  



لاہور (ڈیلی پاکستان آن لائن )گزشتہ روز پروگرام میں تکرار کے بعد چیئرمین پنجاب فوڈ اتھارٹی عمر تنویر بٹ کی ہدایت پر عظمیٰ بخاری کے گھر کے باہر آج صبح آٹے کا پورا ٹرک پہنچا دیا گیا تاہم آج جب دونوں نجی ٹی وی جیونیوز کے مہمان بنے تو اس دوران بھی ایک دوسرے پر شددی تنقید کے تیر برسا دیئے اور ماحول شدید گرم ہو گیا ۔

نجی ٹی وی جیونیوز کے پروگرام میں گفتگو کرتے ہوئے چیئرمین پنجاب فوڈ اتھارٹی عمر تنویر بٹ نے گفتگو کرتے ہوئے کہا کہ سب سے پہلے ایک گزارش کرتاچلوں کہ پہلی بات یہ ہے کہ آٹے کا بحران نہیں ہے ، یہ ن لیگ کا پراپیگنڈہ جو کہ آج بے نقاب ہواہے ، محترمہ نے بار بار مجھے کل پروگرام میں کہا کہ مجھے آٹا نہیں مل رہاہے ، میں نے ان سے گزارش کہ کہ اگر آپ کو چاہیے ہو گا تو مل جائے گا ، صرف دیکھنے کی بات ہے ، آنکھیں کھول کر دیکھیں ، اپنی آنکھوں سے تعصب کی پٹی اتاریں توآپ کو نظر آ جائے گا کہ آٹا کہاں مل رہاہے ۔

چیئرمین پنجاب فوڈ اتھارٹی کے مطابق ”عظمیٰ بخاری نے مجھ سے کہا کہ مجھے 790 روپے میں آٹا دلوا دیں ، میں نے کہا کہ مجھے بات مکمل کرنے دیں ان کے پاس آٹا پہنچ جائے گا ، انہوں نے کہا کہ ماڈل ٹاﺅن کے لوگوں کو بھی آٹا نہیں مل رہاہے ، میں نے کہا کہ پورا ٹرک وہاں پر پہنچ جائے گا ، صبح جب ان کے گھر آٹا گیا تو مجھے یہ سمجھ نہیں آ رہی ہے کہ انہیں اصل تکلیف کس چیز کی ہوئی ہے یا افسوس کس بات کا ہے ۔

پروگرام کے میزبان نے چیئرمین پنجاب فوڈ اتھارٹی سے آٹا مہنگا ہونے سے متعلق سوال کیا جس پر انہوں نے جواب دیتے ہوئے کہا کہ کسی فلور مل یا یوٹیلیٹی سٹور پر آٹا مہنگا نہیں ہواہے مجھے بتا دیں کہ آٹا کہاں سے مہنگا مل رہاہے ، جو چکی مالکان ہے انہیں حکومت گندم نہیں دیتی تھی اور نہ ہی ریگولیٹ کرتی تھی لیکن وہ اب ہم نے کرنا شروع کر دیاہے ، ہر چکی مالکان کو پانچ بوریاں فی دن دی جائیں گی ، آپ لوگ جن دکانوں سے خریدتے ہیں وہاں پر آٹا دستیاب ہے ، صرف چکی مالکان ایسے ہیں جن کے ساتھ حکومت کے پہلے مذاکرات نہیں ہوئے تھے وہ بازار سے گندم خریدتے تھے ۔انہوں نے کہا کہ کسی بھی جگہ چلے جائیں آپ کو آٹا اسی قیمت پر ملے گا جو حکومت نے مقرر کی ہے ، اب چکی مالکان کے ساتھ مذاکرات ہو چکے ہیں ، انہوں نے بھی آٹا 45 روپے فروخت کرنے کا کہہ دیاہے ۔

پروگرام کے میزبان نے آٹا مہنگا ہونے کے سوال کو دوبارہ دہرایا تو چیئرمین پنجاب فوڈ اتھارٹی عمر تنویر بٹ نے تنقیدی تیروں کا رخ ن لیگی رہنما عظمیٰ بخاری کی جانب کر دیا اور کہا کہ ” عظمیٰ بخاری کا باورچی چھوٹا نواز شریف بنا ہواہے ، آ پ کا باورچی آپ کے ساتھ نوازشریف والی حرکت کر رہاہے ، چوری کر رہاہے ۔“

چیئرمین پنجاب فوڈ اتھارٹی عمر تنویر بٹ کی بات سن کر ن لیگی رہنما عظمیٰ بخاری شدید غصے میں آ گئیں اور جواب دیتے ہوئے کہا کہ ” آپ تمیز سے بات کریں ، آپ عمران خان نہ بنیں ،عمران خان والی زبان استعمال نہ کریں ، یہ اتنے لائق فائق ہیں کہ انہیں مجھے پروگرام میں بتانا پڑا کہ پنجاب حکومت گندم باہر نہیں بھجواتی ، انہیں اتنا نہیں پتا کہ گندم باہر کیسے جاتی اور آتی ہے ، مجھے تکلیف یہ ہے کہ آپ تماشا بنا رہے ہیں ، عام آدمی کا، آپ کیا کر رہے ہیں ،میں آپ کو بتاﺅں کہ کہاں کہاں آٹا نہیں مل رہاہے ؟ ۔ عظمیٰ بخاری اور چیئرمین عمر تنویر بٹ کے درمیان پروگرام میں شدید تکرار ہوئی ۔

چیئرمین فوڈ اتھارٹی نے کہا کہ اتنی لمبی باتوں میں جانے کی بجائے اپوزیشن کا صحیح رول ادا کریں ۔ میزبان کے سوال پر جواب دیتے ہوئے عمر تنویر بٹ نے کہا کہ آپ مجھے کوئی فوٹیج دکھا دیں کہ آٹے کا بحران کہاں ہے ، صرف دعوے نہ کریں ، 20 کلو کا تھیلہ 805 روپے کا دستیاب ہے اور ایک مہینے پہلے بھی اتنے کا ہی تھا ۔

مزید : قومی