گزشتہ مالی سال کے دوران مشینری کی درآمدات میں39.97فیصد کا نمایاں اضافہ

گزشتہ مالی سال کے دوران مشینری کی درآمدات میں39.97فیصد کا نمایاں اضافہ

لاہور(کامرس رپورٹر)گزشتہ مالی سال 2016-17ء میں جولائی تا مئی کے دوران مشینری کی درآمدات میں39.97 فیصد کا نمایاں اضافہ دیکھا گیا اور اس دوران 10.883 ارب ڈالر مالیت کی مشینری درآمد کی گئی ہے۔ ادارہ برائے شماریات پاکستان(پی بی ایس ) کے اعدادوشمار کے مطابق رواں مالی سال کے ابتدائی 11ماہ کے دوران درآمد کی گئی مشینری میں بجلی پیدا کرنے والی مشینری ، برقی آلات وغیرہ اور تعمیراتی مشینری کی درآمدات کا حصہ مشنیری کی مجموعی قومی درآمدات کے 50 فیصد کے قریب رہا ہے۔ رپورٹ کے مطابق گذشتہ مالی سال کے مقابلہ میں جاری مالی سال کے دوران بجلی پیدا کرنے والی مشینری کی درآمدات می70.9 فیصد کا اضافہ ہوا ہے اور درآمدات کا حجم 2.839 ارب ڈالر تک بڑھ گیا جبکہ برقی آلات کی درآمدات میں26.83 فیصد کے اضافہ سے درآمدات 2.118 ارب ڈالر اور تعمیراتی مشینری کی درآمدات میں69.53 فیصد کے اضافہ سے درآمدی بل467.996 ملین ڈالر تک بڑھ گیا۔

مزید : کامرس