گندمی رنگت کی وجہ سے نسلی امتیاز کا سامنا کیا، نوازالدین صدیقی

گندمی رنگت کی وجہ سے نسلی امتیاز کا سامنا کیا، نوازالدین صدیقی
 گندمی رنگت کی وجہ سے نسلی امتیاز کا سامنا کیا، نوازالدین صدیقی

  

ممبئی (اے پی پی) بالی وڈ اداکار نوازالدین صدیقی نے کہا ہے کہ انہوں نے پوری زندگی اپنی گندمی رنگت کے باعث نسلی امتیاز کا سامنا کیا ۔ بھارتی ذرائع ابلاغ کے مطابق اداکار نوازالدین صدیقی نے کہا ہے کہ انہیں کسی کو نشانہ بنانے سے نفرت ہے لیکن یہ ایک حقیقت ہے کہ انہیں پوری زندگی اپنی گندمی رنگت اور متوسط طبقے سے وابستگی کی بدولت تعصبات اور نسلی امتیاز کا سامنا کرنا پڑا ہے۔انہوں نے کہا کہ ہم سب متعصب ہیں اور تعصب ہمارے ذہنوں میں گہری سرایت کر گیا ہے ،یہ سب سے پہلے گھر سے شروع ہوتا ہے ۔

انہوں نے کہا کہ میں یہ نہیں کہہ رہا کہ فلم انڈسٹری میں زیادہ تعصبات ہیں ،یہ زندگی کے ہر شعبے میں موجود ہے۔

مزید : کلچر