محدود وسائل کے باوجود کورونا کی روک کیلئے موثر اقدامات کئے،شاہ محمود قریشی

محدود وسائل کے باوجود کورونا کی روک کیلئے موثر اقدامات کئے،شاہ محمود قریشی

  

اسلام آباد(مانیٹرنگ ڈیسک) وفاقی وزیر خارجہ شاہ محمود قریشی کا کہنا ہے کہ عیدالاضحی کے دوران ہمیں حفاظتی ہدایات پر عملدرآمد کو یقینی بنانے کی ضرورت ہے تاکہ ہم اس وبائی چیلنج سے بطریق احسن نبرد آزما ہو سکیں۔ان خیالات کا اظہار انہوں نے وفاقی وزیر تعلیم شفقت محمود اور وفاقی وزیر برائے منصوبہ بندی اسد عمرسے بات چیت کرتے ہوئے کیا۔بات چیت کے دوران ملک میں کورونا وبائی صورتحال اور باہمی دلچسپی کے امور پر تبادلہ خیال کیا گیا۔تینوں وزراء کے مابین 5 اگست کے حوالہ سے مقبوضہ جموں و کشمیر میں جاری بدترین کرفیو اور انسانی حقوق کی مسلسل خلاف ورزیوں کو اجاگر کرنے کے حوالہ سے بھی تفصیلی مشاورت ہوئی۔ دوران ملاقات ملک کی مجموعی سیاسی صورتحال پر بھی تبادلہ خیال ہوا۔وفاقی وزیر خارجہ کا کہنا تھا کہ وزیراعظم عمران خان کی سمارٹ لاک ڈاؤن پالیسی کو دنیا بھر میں سراہا جا رہا ہے۔ حکومت نے محدود وسائل کے باوجود، کورونا وبا کے پھیلاؤ کو روکنے کے لئے موثر اقدامات کئے جس کے مثبت نتائج سامنے آ رہے ہیں۔شاہ محمود قریشی کا کہنا تھا کہ عیدالاضحی کے دوران ہمیں حفاظتی ہدایات پر عملدرآمد کو یقینی بنانے کی ضرورت ہے تاکہ ہم اس وبائی چیلنج سے بطریق احسن نبرد آزما ہو سکیں۔

شاہ محمود قریشی

مزید :

صفحہ اول -