یوٹیوب کی ممکنہ بندش؟ حکومت نے واضح اعلان کردیا

یوٹیوب کی ممکنہ بندش؟ حکومت نے واضح اعلان کردیا
یوٹیوب کی ممکنہ بندش؟ حکومت نے واضح اعلان کردیا

  

اسلام آباد (ڈیلی پاکستان آن لائن) وفاقی حکومت کی جانب سے واضح کیا گیا ہے کہ پاکستان میں یوٹیوب کو بند نہیں کیا جارہا۔

وزیر اعظم کے فوکل پرسن برائے ڈیجیٹل میڈیا ڈاکٹر ارسلان خالد کا کہنا ہے کہ پاکستان میں ہر گزرتے دن کے ساتھ ڈیجیٹل میڈیا انڈسٹری میں نکھار آرہا ہے، لوگ یوٹیوب پر کوالٹی کونٹینٹ تیار کر رہے ہیں اور ایسے لوگوں کی تعداد بڑھتی جارہی ہے۔  ڈیجیٹل پبلشرز اور یوٹیوبرز کو روکنے کی نہیں بلکہ ان کی حوصلہ افزائی کی ضرورت ہے۔

انہوں نے کہا کہ 2012 میں یوٹیوب پر لگنے والی پابندی اس انڈسٹری کیلئے تباہ کن ثابت ہوئی۔ یہ پابندی کچھ حد تک پاکستان میں گوگل، فیس بک اور ٹوئٹر وغیرہ کے دفاتر نہ ہونے کی کسی حد تک وجہ بھی ہے۔

ڈاکٹر ارسلان خالد کے مطابق سپریم کورٹ بھی چاہتی ہے کہ ڈیجیٹل میڈیا کی ریگولیشن کو بہتر بنایا جائے، دی پریوینشن آف سائبر کرائمز ایکٹ کے حوالے سے ٹیکنالوجی کمپنیوں کے ساتھ پہلے ہی مذاکرات کیے جاچکے ہیں۔

وزیر اعظم کے فوکل پرسن نے واضح کیا کہ پاکستان میں یوٹیوب بند کرنے کا سوال ہی پیدا نہیں ہوتا۔

مزید :

Breaking News -سائنس اور ٹیکنالوجی -