بیٹے کا ماں پر تشدد، قومی کرکٹر وہاب ریاض نے بڑا مطالبہ کر دیا، پاکستانیوں کے دل کی بات کہہ دی

بیٹے کا ماں پر تشدد، قومی کرکٹر وہاب ریاض نے بڑا مطالبہ کر دیا، پاکستانیوں کے ...
بیٹے کا ماں پر تشدد، قومی کرکٹر وہاب ریاض نے بڑا مطالبہ کر دیا، پاکستانیوں کے دل کی بات کہہ دی

  

لاہور (ڈیلی پاکستان آن لائن) قومی کرکٹ ٹیم کے فاسٹ باؤلر وہاب ریاض نے راولپنڈی کے علاقے صادق آباد میں پیش آنے والے بیٹے کے ماں پر تشدد کے واقعے پر ردعمل دیتے ہوئے کہا ہے کہ ایسے لوگوں کو عبرت کا نشان بنایا جائے۔

تفصیلات کے مطابق وہاب ریاض نے سماجی رابطے کی ویب سائٹ ٹوئٹر پر ویڈیو شیئر کرتے ہوئے لکھا کہ یہ انتہائی افسوسناک ویڈیو ہے جو بہت ناگوار گزر رہی ہے، ایسے لوگوں کو عبرت کا نشان بناتے ہوئے سخت سے سخت سزا دی جانی چاہئے۔

واضح رہے کہ پنجاب کے شہر راولپنڈی، تھانہ صادق آباد کی حدود میں بیٹے کی جانب سے ماں کو بد ترین تشدد کا نشانہ بنائے جانے کی ویڈیو سوشل میڈیا پر وائرل ہو گئی تھی۔ راولپنڈی پولیس کے مطابق تھانہ صادق آباد میں ملزم ارسلان اور اس کی بیوی کے خلاف مقدمہ درج کر لیا گیا ہے، والدہ پر تشدد کرنے کے بعد ملزم ارسلان بیوی کو لے کرفرار ہو گیا تھا۔ دوسری وزیراعلیٰ پنجاب سردار عثمان بزدار نے بھی اس واقعے کا نوٹس لیتے ہوئے آر پی او راولپنڈی سے رپورٹ طلب کر لی ہے جبکہ انہوں نے حکم دیا کہ ماں جیسی ہستی پر تشدد کرنے والے کو جلد سے جلد گرفتار کیا جائے۔

مزید :

قومی -کھیل -