حکومت نے تشدد کا راستہ اپنایا تو انقلاب آج ہی آجائے گا: طاہر القادری

حکومت نے تشدد کا راستہ اپنایا تو انقلاب آج ہی آجائے گا: طاہر القادری
حکومت نے تشدد کا راستہ اپنایا تو انقلاب آج ہی آجائے گا: طاہر القادری

  


لندن(مانیٹرنگ ڈیسک ) پاکستان عوامی تحریک کے قائد ڈاکٹر طاہر القادری کا کہنا ہے کہ حکومت اپنی قبر خود ہی کھود رہی ہے، اگر اس نے تشدد کا راستہ اپنایا تو انقلاب آج ہی آجائے گا۔تفصیلات کے مطابق لندن سے دبئی روانگی سے قبل میڈیا سے بات کرتے ہوئے ڈاکٹر طاہر القادری نے کہا کہ پاکستان میں جمہوریت کو کوئی خطرہ نہیں، پرامن طریقے سے لاہور آنا چاہتا ہوں ، پھر بھی نجانے حکومت کو کس چیز سے خطرہ ہے؟۔ حکومت ہوش کے ناخن لے اور امن و امان خراب نہ کرے۔ انہوں نے کہا کہ ان کا کسی سے کوئی رابطہ نہیں، جس سے بھی رابطہ ہے میڈیا کے ذریعے ہی ہے۔ڈاکٹر طاہر القادری کا کہنا تھا کہ پنجاب حکومت پاکستان عوامی تحریک کے کارکنوں پر تشدد کا نشانہ بناکر اپنی قبر خود ہی کھود رہی ہے۔ ہمارے کارکن تشدد نہیں کرنا چاہتے اور اگر حکومت نے تشدد کا راستہ اپنایاتو انقلاب آج ہی آجائے گا۔ مسلح افواج سے اپیل کرتا ہوں کہ حکومت کے اس اقدام کو رکوانے میں اپنا کردار ادا کرے۔واضح رہے کہ ڈاکٹر طاہر القادری پیر کی صبح کینیڈا سے براستہ لندن اور دبئی اسلام آباد پہنچ رہے ہیں۔

مزید : قومی /اہم خبریں


loading...