طاہر القادری کی آمد،بینظیر ایئر پورٹ جانے والے راستے سیل کر دیئے گئے
اسلام آباد(مانیٹرنگ ڈیسک ) حکومت نے بینظیر ایئر پورٹ جانے والے تمام راستے سیل کر دیئے ہیں ، دوسر ی جانب پاکستان عوامی تحریک کے سربراہ طاہر القادری دبئی روانگی کے لیے ہیتھرو ایئر پورٹ پہنچ گئے ہیں ۔ تفصیلات کے مطابق پاکستان عوامی تحریک کے سر براہ ڈاکٹر طاہر القادری کی پیر کی صبح ساڑھے سات بجے وفاقی دارلحکومت آمد کے پیش نظر پاکستان عوامی تحریک کے کارکنوں کو ایئر پورٹ تک جانے سے روکنے کے لیے حکومت کی جانب سے بینظیر انٹر نیشنل ایئر پورٹ تمام راستے کو کنٹینر لگا کر بند کر دیا گیا ہے ، ایئر پورٹ میں ہر قسم کی گاڑیاں لے جانے پر پابندی عا ئد کر دی گئی ہے اور انتظا میہ کے مطا بق مسافروں کے لیے شٹل سر وس چلائی جائے گی ۔ دوسری جانب پاکستا ن عوامی تحریک کے سربراہ علامہ طاہر القادی دبئی روانگی کے لیے ہیتھرو ایئر پورٹ پہنچ گئے ہیں جہاں انہیں بورڈنگ ٹکٹ جار ی کر دیا گیا ہے ۔