جمہوریت میں نمبر گیم ہے،اگر نمبر ہوں گے تو عمران خان وزیر اعظم بنیں گے:شاہ محمودقریشی

جمہوریت میں نمبر گیم ہے،اگر نمبر ہوں گے تو عمران خان وزیر اعظم بنیں گے:شاہ ...
جمہوریت میں نمبر گیم ہے،اگر نمبر ہوں گے تو عمران خان وزیر اعظم بنیں گے:شاہ محمودقریشی

  

ملتان (ڈیلی پاکستان آن لائن )پاکستان تحریک انصاف کے رہنماشاہ محمودقریشی کا کہنا ہے کہ جمہوریت میں نمبر گیم ہے،اگر نمبر ہوں گے تو عمران خان وزیر اعظم بنیں گے،بنی گالا میں پی ٹی آئی کے کارکنان رائے کا اظہار کر رہے ہیں،دوسری پارٹی سے مایوس لوگ پی ٹی آئی کی طرف دیکھ رہے ہیں۔

پاکستان تحریک انصاف کے رہنماشاہ محمودقریشی کا میڈیا سے گفتگو میں کہنا تھا کہ ٹکٹوں کی تقسیم کا معاملہ کبھی آسان نہیں ہوتا، ٹکٹ کے معاملے میں دیانتداری سے کوشش کی کہ میرٹ پر فیصلہ ہو،پی ٹی آئی کو پارٹی ٹکٹ کے لئے بہت زیادہ درخواستیں ملیں لیکن میرٹ پر فیصلے کیے۔ ہر حلقے میں پی ٹی آئی کے امیدواربننے کے لئے15سے 16 درخواستیں موصول ہوئیں جبکہ پشاورکے ایک حلقے پر70سے زیادہ امیدواروں کی درخواستیں موصول ہوئیں،2013 کے مقابلے میں آج ایک ایک حلقے میں کئی کئی امیدواروں کی درخواستیں ہیں۔ان کا مزید کہنا تھا کہ جمہوریت میں نمبر گیم ہے،اگر نمبر ہوں گے تو عمران خان وزیر اعظم بنیں گے۔ناراض کارکنوں سے متعلق بات کرتے ہوئے ان کاکہنا تھا کہ ناراض کارکن عون عباس میرے بیٹوں کی طرح ہے،بنی گالا میں پی ٹی آئی کے کارکنان رائے کا اظہار کر رہے ہیں،دوسری پارٹی سے مایوس لوگ پی ٹی آئی کی طرف دیکھ رہے ہیں ،پی ٹی آئی کا پوداعمران خان نے لگایا وہ اس کو نقصان پہنچنے نہیں دیں گے۔

مزید :

قومی -سیاست -علاقائی -پنجاب -ملتان -