انڈیا سے پاکستانیوں کی واپسی پر خاموشی، 748بھارتیوں کی وطن روانگی کا شیڈول جاری

  انڈیا سے پاکستانیوں کی واپسی پر خاموشی، 748بھارتیوں کی وطن روانگی کا شیڈول ...

  

لاہور(آئی این پی) کورونا وائرس کی وجہ سے پاکستان میں مقیم 748 بھارتی شہریوں کی واپسی کے شیڈول کو حتمی شکل دیدی گئی ہے جس کے تحت یہ بھارتی شہری 25 جون سے 3 مرحلوں میں واہگہ بارڈر کے راستے واپس بھارت جائیں گے۔دوسری طرف بھارت میں پھنسے بھارت میں پھنسے پاکستانی شہریوں کی واپسی بارے کوئی شیڈول سامنے نہیں آیا ہے۔ بھارت سے اب تک 250 سے زائد پاکستانی شہری واپس آچکے ہیں۔کوروناوائرس کی وجہ سے پاکستان میں مقیم بھارتی شہریوں کو بھارتی سفارتخانے کی طرف سے 23 جون کو واہگہ بارڈ ر کے راستے واپسی کے لئے تیار رہنے کی ہدایات جاری کی گئی تھیں تاہم اب بھارتی شہریوں کی واپسی کے شیڈول میں تبدیلی کی گئی ہے۔وزارت داخلہ کی طرف سے پاکستان رینجر ز پنجاب کو بھیجے گئے مراسلے میں کہا گیا ہے کہ کورونا وائرس کی وجہ سے پاکستان میں مقیم 748 بھارتی شہری 3 مرحلوں میں واہگہ بارڈر کے راستے واپس جائیں گے۔ ان بھار تی شہر یوں کی فہرست بھی متعلقہ حکام کو فراہم کردی گئی ہے، مراسلے کے مطابق 250 بھارتی شہریوں کا پہلا گروپ 25 جون کو واپس جائے گا، اسی طرح مزید 250 بھارتی شہری 26 اور 248 بھارتی شہریوں کا تیسرا گروپ 27 جون کو واپس لوٹ جائے گا۔بھارتی شہریوں کی واپسی کے لیے 25 سے 27 جون تک واہگہ بارڈرکو خصوصی طورپرکھولا جائیگا، جبکہ اس با ر ے کسٹم اور امیگریشن حکام کو بھی آگاہ کردیا گیا،ان محکموں کا عملہ 3 دنوں میں خصوصی طورپر واہگہ بارڈر پہنچے گا۔پاکستان سے واپس جانیوالے بھارتی شہریوں کو 14 دن کیلئے قر نطینہ میں رکھاجائیگا، مقبوضہ جموں کشمیر،ہریانہ اورہماچل پردیش کے شہریوں کو ان کی ریاستوں میں ہی کورنٹائن میں رکھاجائے گا۔دوسری طرف بھارت میں پھنسے بھارت میں پھنسے پاکستانی شہریوں کی واپسی بارے کوئی شیڈول سامنے نہیں آیا ہے۔ بھارت سے اب تک 250 سے زائد پاکستانی شہری واپس آچکے ہیں۔

بھارتیوں کی واپسی

مزید :

صفحہ آخر -