"تمہاری مجھ تک رسائی روکنے کیلئے1 کروڑ60لاکھ فالوورز چٹکی میں اڑادیئے"، سوناکشی سہنا ایک بار پھر میدان میں آگئیں
ممبئی(ڈیلی پاکستان آن لائن)"تمہاری مجھ تک رسائی روکنے کیلئے1 کروڑ60لاکھ فالوورز چٹکی میں اڑادیئے"، سوناکشی سہنا ایک بار پھر میدان میں آگئیں۔
ٹویٹر سے علیحدگی کے اعلان کے بعدلوگوں نے ان پر تبصرے شروع کیے تو اداکارہ نے ایک بار پھر بھرپور ردعمل دیتے ہوئے بیان جاری کردیا ۔
انسٹاگرام پر چٹکی بجاتی ایک ویڈیو شیئر کرتے ہوئے انہوں نے لکھا کہ "میں نے منفی چیزوں سے بچنے کے لیے ٹویٹر چھوڑا ہے کچھ لوگوں کو لگتا ہے وہ کچھ جیت گئے ہیں، اگر تمہیں ایسا لگتا ہے تو میں تمہارے لیے خوش ہوں، کسی کو کچھ فرق نہیں پڑتا، میں نے اپنی توہین کے براہ راست ذریعے کو ہی ختم کردیا ہے۔میں نے تمہاری وہ طاقت تم سے چھین لی ہے جس سے تمہیں لگتا تھا کہ تم مجھے ،میرے دوستوں اور میرے اہلخانہ کو جو چاہتے کہہ دیتے تھے۔
تو اس وقت صرف ایک ہی شخص فاتح ہے اور وہ میں ہوں۔
انسٹاگرام پوسٹ پر اپنے طویل پیغام میں انہوں نے نفرت کا پرچار کرنے والوں کو پیغام دیتے ہوئے مزید کہا کہ تمہاری منفی سوچ میں میرے لیے کچھ نہیں تھا اس لیے مجھ تک براہ راست رسائی کو روکنے کے لیے میں نے وہ ایک کروڑ ساٹھ لاکھ فالوورز چٹکی میں اڑادیے جو گزشتہ دس سال میں بنائے گئے تھےاور مجھے ایسا ہی کرنا پسند ہے۔
میں نفرت اور ٹرولنگ کرنے والوں کو صرف محبت کا ہی پیغام دوں گی، اب جتنی چاہو نفرت کرو لیکن یاد رکھو وہ مجھ تک نہیں پہنچے گی۔
ساتھ ہی انہوں نے کہا اس ساری صورتحال کا وہ لوگ بھی شکار ہوئے ہیں جو سچ میں ان سے پیار کرتے ہیں انہوں نے ان سے مخاطب ہوتے ہوئے کہا کہ آپ سب کی سپورٹ اور محبت نے ہی مجھے آگے بڑھنے کا موقع دیا، اسی لیے جہاں بھی رہیں ایسے ہی محبت کو پھیلاتے رہیں۔
خیال رہے گزشتہ روزٹویٹر ٹرولنگ سے تنگ آکر بالی ووڈ کی دبنگ اداکارہ سوناکشی سنہا نے ٹویٹر کو خیرباد کہہ دیا ہے۔ انہوں نے ٹویٹر چھوڑنے کا اعلان اپنی انسٹا گرام پوسٹ پر کیا ہے۔سوناکشی نے ٹوئٹر سے علیحدگی کا اعلان کرتے ہوئے انسٹاگرام پر اپنے آخری ٹویٹ کا سکرین شاٹ شئیر کیا-
اپنی انسٹاگرام پوسٹ کے ساتھ سوناکشی نے لکھا "آگ لگے بستی میں ، میں اپنی مستی میں، بائے ٹویٹر"
سوناکشی نے اپنے ٹویٹ میں لکھا کہ " ذہنی سکون اور خود کو فضول تنقید سے محفوظ رکھنے کے لیے سب سے پہلا قدم منفی سوچ اور منفی چیزوں سے دور رہنا ہے اور آج کل ٹوئٹر پر کچھ زیادہ ہی منفی چیزیں ہو رہی ہیں۔انہوں نے لکھا چلو ! اب میں امن اور سکون کے لیے ٹویٹر سے دورجارہی ہوں۔
۔
۔
