شہباز شریف اور حمزہ کی عبوری ضمانتوں پر بینکنگ کورٹ نے تحریری فیصلہ جاری کر دیا
لاہور ( ڈیلی پاکستان آن لائن ) پاکستان مسلم لیگ ن کے صدر ، اپوزیشن لیڈر قومی اسمبلی شہباز شریف اور اپوزیشن لیڈر پنجاب حمزہ شہباز شریف کی عبوری ضماتوں پر بینکنگ کورٹ نے تحریری فیصلہ جاری کر دیا ۔
تحریری فیصلے میں کہا گیا کہ شہباز شریف اور حمزہ شہباز تین روز میں دس، دس لاکھ کے ضمانتی مچلکے جمع کرائیں ، ملزمان ضمانتی مچلکے جمع نہ کرا سکے تو ضمانتیں غیر موثر تصور ہوں گی ، مچلکے جمع نہ کرانے پر ایف آئی اے کو گرفتاری کا حق ہوگا۔
عدالتی فیصلے میں مزید کہا گیا کہ ملزمان شامل تفتیش ہوں گے ، ایف آئی اے جب بلائے تو پیش ہوں گے ۔