پسند کی شادی کا بدلہ، لڑکی والوں نے لڑکے کی ماں کو زیادتی کا نشانہ بنا ڈالا

پسند کی شادی کا بدلہ، لڑکی والوں نے لڑکے کی ماں کو زیادتی کا نشانہ بنا ڈالا
پسند کی شادی کا بدلہ، لڑکی والوں نے لڑکے کی ماں کو زیادتی کا نشانہ بنا ڈالا

  

مظفر گڑھ(ڈیلی پاکستان آن لائن) علی پور کی حدود فتح پور جنوبی میں بااثر افراد نے پسند کی شادی کا بدلہ لینے کیلئے لڑکے کی والدہ کو زیادتی کا نشانہ بنا ڈالا۔

نجی ٹی وی کی رپورٹ کے مطابق مظفرگڑھ کی تحصیل تھانہ صدر علی پور کی حدود فتح پور جنوبی میں بااثر افراد نے 50 سالہ خاتون زرینہ کو اغوا کرکے زیادتی کی کوشش کی اور بہیمانہ تشدد کا نشانہ بناڈالا، ملزمان نے خاتون کو نہ صرف تشدد کا نشانہ بنایا بلکہ نیم برہنہ کرکے سلگتی ہوئی سگریٹ سے اس کے جسم کو بھی داغتے رہے اور اسی حالت میں گھسیٹا بھی۔

پولیس کے مطابق متاثرہ خاتون زرینہ بی بی کے بیٹے ناصر نے کچھ عرصہ قبل پسند کی شادی کی تھی جس پر لڑکی والوں نے ناصر کی ماں زرینہ اور والد اللہ بخش کو اغوا کیا اور نامعلوم جگہ پر لے گئے جہاں اس کو انہوں نے زیادتی کا نشانہ بنایا۔پولیس نے کارروائی کرتے ہوئے زرینہ کے خاوند اللہ بخش کو ملزمان کی قید سے آزاد کرالیا ہے اور 3 ملزمان کی گرفتاری بھی عمل میں آئی ہے جب کہ متاثرہ خاتون کو تحصیل ہیڈ کوارٹر ہسپتال منتقل کردیا گیا ہے۔

مزید :

علاقائی -پنجاب -مظفرگڑھ -