ورلڈ واٹر ڈے: نیسلے پاکستان کا مقامی اسکولوں کے لئے پراجیکٹ کا اعلان

ورلڈ واٹر ڈے: نیسلے پاکستان کا مقامی اسکولوں کے لئے پراجیکٹ کا اعلان

 لاہور (پ ر) ورلڈ واٹر ڈے (عالمی یوم پانی) کے موقع پر ، نیسلے پاکستان نے اعلان کیا ہے کہ وہ Project WET (Water Education for Teachers) یعنی اساتذہ کے لئے پانی کی تعلیم کا رواں برس کی دوسری سہہ ماہی میں آغاز کرے گا۔ مذکورہ پراجیکٹ کے تحت کمپنی پانی کو محفوظ کرنے کی مشقوں پر اساتذہ کی تربیت کرے گی۔پراجیکٹ WET امریکہ کی ایک غیر سرکاری تنظیم ہے جس کے ساتھ نیسلے نے عالمی سطح پر 34 ممالک میں شراکت داری کی ہے۔ نیسلے پاکستان مذکورہ تربیت کو اپنے پروگرام نیسلے ہیلدی کڈز (NHK) میں شامل کرے گی جو کہ ایک عالمی اقدام ہے اور جس کے تحت بچوں کو صحت مند طرز زندگی سے متعارف کرایا جارہا ہے۔کمپنی اور پراجیکٹ WET مختلف عمر کے گروپس کے لئے پانی جیسے وسیع موضوع کا جامع احاطہ کریں گے اور پانی کے وسائل پر تعلیمی مواد شائع کریں گے۔اس کارروائی پر مبنی مشترکہ پروگرام ابتدائی طور پر لاہور میں منعقد کئے جائیں گے جن میں اساتذہ کو تربیت دی جائے گی کہ پانی کے تحفظ کی اہمیت اور ہائیڈریشن کو کس طرح بچوں کی سمجھ کے قابل بنایا جائے ۔ اس کے نتیجے میں معاشرہ پر پانی کے محدود وسائل پر دباؤ کو کم کرنے میں مدد ملے گی۔پاکستان جہاں فی شخص 1,000 کیوبک میٹر سے بھی کم پانی دستیاب ہے ۔ نیا کے ان ملکوں میں سے ہے جہاں پانی پر فی فرد سب سے زیادہ دباؤ ہے ۔نیسلے پاکستان کے کارپوریٹ امور کے سربراہ، وقار احمد نے اس موقع پر کہا ’’ نیسلے پاکستان پانی سے متعلق اپنی کارکردگی ہر سال بہتر کررہی ہے۔لیکن ہمیں معلوم ہے کہ علیحدہ کام کرنے سے زیادہ فائدہ اکھٹے مل کرکام سے ہوگا ۔ہم زیادہ سے زیادہ افراد کو ان معلومات سے لیس کرنا چاہتے ہیں کہ جس کے تحت وہ صورتحال کو بہتر بنانے میں اپنا کردار ادا کرسکیں۔‘‘رواں برس کے شروع میں ، نیسلے پاکستان نے نیسلے آپریشنز اور سپلائی چین میں پانی کے استعمال کو بہتر بنانے اور پانی کے معیار کے نفاذ کے لئے ڈبلیو ڈبلیو ایف پاکستان (WWF-Pakistan) کے ساتھ مفاہمت کی ایک یادداشت پر دستخط کئے۔

مزید : کامرس