نجی شعبہ کی تیارکردہ متفقہ تجاویز کو بجٹ کا حصہ بنایا جائے: ملک طاہر جاوید

نجی شعبہ کی تیارکردہ متفقہ تجاویز کو بجٹ کا حصہ بنایا جائے: ملک طاہر جاوید

  IOS Dailypakistan app Android Dailypakistan app

لاہور (کامر س رپورٹر)آئیندہ بجٹ میں ٹیکسوں اور ڈیوٹیوں کے تعین اور اہداف مقرر کرنے کے لیے نجی شعبہ کی تیارکردہ متفقہ تجاویز کو بجٹ کا حصہ بنایا جائے تاکہ کاروباری ماحول میں خوشگواریت پیداواری صلاحیتوں میں اضافہ اور برآمدات میں تحریک پیدا ہو سکے لاہور چیمبرکے ایگزیکٹو ممبر ملک طاہر جاوید نے گزشتہ روز جاری کردہ اپنے بیان میں کہا ہے کہ بجٹ کے معاشی حصے سے بہتر نتائج کاروباری طبقہ کی کاوشوں کے مرہون منت ہوں گے

ملک طاہر جاوید نے کہا ہے کہ ملک کے معاشی مستقبل کی نقشہ گری اگر سٹیک ہولڈرز کی تجاویز کے مطابق ہوئی تو لامحالہ محنت اور یکسوئی میں اضافہ اور نتائج زیادہ دلکش ہوں گے۔
ملک طاہر جاوید نے کہا ہے کہ اگر نجی شعبہ کی کسی کمزوری کی آڑ میں تمام ٹریڈ باڈیز کی متفقہ تجاویز کو نظرانداز کرتے ہوئے سرکاری عمال نے بجٹ سازی کا پورا پراسس اپنے ہاتھاور صوابدید میں لینے کی کوشش کی تو اس کے نتائج اسی طرح کے ہوں گے جیسے سرکاری تحویل میں دیگر اداروں کے نکلے ہیں ا س لیے ملک طاہر جاوید نے وزیر خزانہ محمد اسحاق ڈار اور ایف بی آر کے چیئرمین پر زور دیا ہے کہ سرکاری ماہرین کے تیار کردہ کسی چارٹ کو منظور کرانے کی بجائے نجی شعبہ کی تجاویز و سفارشات کی روشنی میں آئیند ہ بجٹ ترتیب و تشکیل دیا جائے تاکہ کاروباری طبقہ میں یکسوئی کام کرنے کے جوش و جذبہ میں اضافہ کے ساتھ ساتھ حکومت اور کارو باری طبقہ کے مابین قائم خوشگوار تعلقات میں مزید پائیداری پیدا ہو سکے

مزید :

کامرس -