پلے آف شاندار رہے ،بہترین انتظامات پر تمام متعلقہ ادارے مبارک باد کے مستحق ہیں:شہباز شریف
لندن(ڈیلی پاکستان آن لائن)وزیر اعلی پنجاب شہباز شریف کا کہنا ہے کہ پلے آف کے دونوں میچز بہترین رہے جس میں شائقین کرکٹ کی شمولیت بہترین رہی ،میچز کے کامیاب انعقاد پر تمام متعلقہ ادارے مبارک باد کے مستحق ہیں۔
What an exciting end to the playoffs! Excitement of the spectators was legendary in both matches ... Full marks to police, law enforcement agencies, district administration and PSL management for a job done wonderfully well. Good luck for the final match in Karachi!
— Shehbaz Sharif (@CMShehbaz) March 21, 2018
وزیر اعلی پنجاب شہباز شریف کا سوشل میڈیا اکاﺅنٹ پراپنے پیغام میں کہنا تھاکہ میچزکاپرامن انعقادتمام اداروں کی محنت کا نتیجہ ہے، کھلاڑیوں اورشائقین کرکٹ کوفول پروف سیکیورٹی دی گئی۔انہوں نے کہاکہ میچزکے د وران سیکیورٹی اوردیگرانتظامات انتہائی شانداررہے،بہترین انتظامات پرتمام متعلقہ ادارے مبارکبادکے مستحق ہیں۔
انہوں نے پی ایس ایل تھری کے کراچی میں ہونے والے فائنل کے لئے نیک تمناﺅں کا اظہار کیا۔
واضح رہے کہ پی ایس ایل تھری کے سلسلے میں دوپلے آف لاہور کے قذافی سٹیڈیم میں کھیلے گئے جہاں گزشتہ روز پشاور زلمی نے کوئٹہ گلیڈئیٹرز کوسنسنی خیز مقابلے کے بعد ایک رنز سے شکست دی جبکہ آج کھیلے گئے میچ میں پشاور زلمی نے کراچی کنگز کو 13رنز سے شکست دے کر فائنل میں جگہ بنالی جہاں اس کامقابلہ اسلام آبادیونائیٹڈ سے ہوگا ۔دونوں ٹیمیں ہی یہ اعزاز ایک ،ایک بار اپنے نام کرچکی ہیں اب دیکھنا یہ ہے کہ تیسری بارٹائٹل کس کے سر سجے گا۔