ضابطہ اخلاق کی خلاف ورزی آئی سی سی کی سیموئلز کی سرزنش

ضابطہ اخلاق کی خلاف ورزی آئی سی سی کی سیموئلز کی سرزنش

  

ہرارے (آن لائن)انٹرنیشنل کرکٹ کونسل (آئی سی سی) نے ورلڈ کپ کوالیفائر ٹورنامنٹ میں ضابطہ اخلاق کی خلاف ورزی کرنے پر ویسٹ انڈین بلے باز مارلون سیموئلز کی سرزنش کی اور ایک ڈی میرٹ پوائنٹ بھی دے دیا۔ آئی سی سی کی طرف سے جاری کردہ بیان کے مطابق سیموئلز نے آئی سی سی کے آرٹیکل 2.1.8 کی خلاف ورزی کی ہے جس کی وجہ سے ان کی سرزنش کی گئی جبکہ ایک ڈی میرٹ پوائنٹ بھی ان کے کھاتے میں ڈال دیا گیا۔

زمبابوے میں جاری آئی سی سی ورلڈ کپ کوالیفائر ٹورنامنٹ سپر سکس مرحلے میں میزبان ٹیم کے خلاف میچ میں سیموئلز نے آؤٹ ہونے کے بعد پویلین جاتے ہوئے اپنے بیٹ سے دائرے کی ڈسک کو نقصان پہنچایا جس کی وجہ سے آئی سی سی کے ایمپائرز نے ان کی سرزنش کی۔ واضح رہے کہ سیموئلز نے 86 رنز کی عمدہ اننگز کھیل کر ٹیم کی جیت میں اہم کردار ادا کیا تھا اور میچ کے بہترین کھلاڑی قرار پائے تھے۔

مزید :

کھیل اور کھلاڑی -