جمہوریت کے تسلسل میں صحافت کا کلیدی کردار ہے، گورنر سندھ

جمہوریت کے تسلسل میں صحافت کا کلیدی کردار ہے، گورنر سندھ

  

کراچی ( اسٹاف رپورٹر) گورنر سندھ محمد زبیر نے کہا کہ جمہوریت کے قیام ، تسلسل اور استحکام میں صحافت کا کلیدی کردار ہے ، پاکستان میں اظہار رائے اور اظہار صحافت کی مکمل آزادی حاصل ہے ،صحافت کے ذریعہ عوامی سطح کے مسائل کے حل میں حکومتی کا وشیں اہم ثابت ہورہی ہیں، حکومت صحافتی اقدار کی پاسداری کے ساتھ ساتھ صحافیوں کے تحفظ کے لئے بھی ترجیحی بنیادوں پر اقدامات یقینی بنا رہی ہے ۔ ان خیالات کا اظہار انہوں نے گورنر ہاؤس میں پاکستان پرنٹ اور الیکٹرو نکس میڈیا فاؤنڈیشن کے وفد سے ملاقات کے دوران کیا ۔وفد میں فاؤنڈیشن کے صدر زیڈ ایچ خرم ، ڈاکٹر عالیہ امام ، حامد حسین عابدی ، سعید خاور ، منہاج الرب ، علی رضا ، صابر علی ، سید محمد اسلم شاہ ، خورشید حیدر ، زیبا شہناز اور دیگر موجود تھے ۔ملاقات میں جمہوری معاشرہ میں صحافتی کردار ، معاشرتی برائیوں کے خاتمہ ، عوامی فنڈز کے منصفانہ استعمال میں صحافیوں کی کاوشیں ، آزادی صحافت ، صحافیوں کی فلاح و بہود کے اٹھاء گئے حکومتی اقدامات سمیت اہمیت کے حامل دیگر امور پر تفصیلی تبادلہ خیال کیا گیا ۔گورنر سندھ نے کہا کہ صحافیوں کی فلاح وبہبود کے لئے اٹھائے اقدامات سے ہی صحافت کے موئثر نتائج حاصل کئے جا سکتے ہیں ،آزادانہ صحافتی کردار معاشرہ اور معاشرتی نا ہمواریوں کے خاتمہ میں اہم اور معاون ثابت ہورہی ہے ، ریاست کے چوتھے ستون کی آبیاری کی اولین ترجیح ہے اس ضمن میں ٹھوس اور مربوط اقدامات یقینی بنائے جا رہے ہیں ۔

مزید :

کراچی صفحہ اول -