یوم پاکستان کا مقصد نوجوانوں کو جدو جہد آزادی سے آگاہ کرنا ہے: ڈاکٹر فرحان عیسیٰ
کراچی (پ ر) 23مارچ کویوم پاکستان منانے کا مقصد نوجوانوں کوجدو جہد آزادی سے آگاہ کرنا ہے اورانہیں پاکستان کے قیام کے لئے اپنے بزرگوں کی قربانیوں کویاد دلانا ہے یہ بات روٹری انٹرنیشنل 3271کے ڈسٹرکٹ گورنر پروفیسر ڈاکٹر فرحان عیسیٰ نے روٹری کلب آف کراچی کولاچی اور ڈاکٹر عیسیٰ لیبارٹری کی جانب سے یوم قرار داد پاکستان کے موقع پر منعقدہ تقریب سے خطاب کرتے ہوئے کہی اس موقع پرپریذیڈینٹ روٹری کلب آف کراچی کولاچی ڈاکٹر انعم اکرام،فرسٹ ڈسٹرکٹ لیڈی ڈاکٹرنادیہ فرحان،ڈسٹرکٹ سیکریٹری عارف صدیقی،تنور قادری،جنرل مینیجر مارکیٹنگ بزنس ڈیولپمنٹ ڈاکٹر نیئر جبین اور دیگر روٹرین و روٹریک کی بڑی تعدا د موجود تھی پروفیسر ڈاکٹر فرحان عیسیٰ نے کہاکہ لاہور کا تاریخی مقام یاد گار پاکستان اس قرار داد کی یاد گار ہے جہاں 23مارچ1940ء کو آل انڈیا مسلم لیگ کے تین روزہ سالانہ اجلاس کے موقع پرمولوی فصل الحق نے تاریخی قرار داد پاکستان پیش کی جس کی بنیاد پر مسلم لیگ نے برصغیر میں مسلمانوں کے لیے علیحدہ وطن کے حصول کے لیے تحریک شروع کی اور سات برس کے بعد اپنا مطالبہ منظور کرانے میں کامیاب رہی انہوں نے کہاکہ ہندوستان میں دو قومی نظریہ کے تحت مسلمانوں کے لئے الگ وطن بنانا نا گزیر ہو گیا تھا کیونکہ وہاں کے مسلمانوں پر ہندوں نے زندگی اجیرن کردی تھی پروفیسر ڈاکٹر فرحان عیسیٰ نے کہاکہ اس قرار داد میں ہندوستان کے مسلمانوں نے انگریزوں سے آزادی حاصل کرنے اور ایک آزاد ریاست پاکستان بنانے کی قرار داد پیش کی۔
انہوں نے کہا کہ بھارت پاکستان کا ازلی دشمن ہے اس نے کبھی بھی پاکستان کو دل سے تسلیم نہیں کیا اور وہ آج بھی پاکستان میں دہشتگردی کے واقعات میں ملوث ہے
