پاک فوج نے بہترین صلاحیتوں پرایک اورعالمی اعزازحاصل کرلیا

 راولپنڈی(مانیٹرنگ ڈیسک) پاک فوج نے ایک اور بین الاقوامی مقابلے میں بہترین کارکردگی پر عالمی اعزاز اپنے نام کرلیا۔آئی ایس پی آر کے مطابق نیپال میں 18 سے 21 مارچ تک ہونیوالے بین الاقوامی مہم جوئی مقابلوں میں پاکستان آرمی نے طلائی تمغہ جیت لیا۔ مقا بلوں کا مقصد جسمانی مہارتوں، پھرتی اور ذہنی چستی کی جانچ کرنا تھا۔ نیپال میں ہونیوالے مقابلے کراس کنٹری دوڑ، سائیکلنگ اور رافٹنگ پر مشتمل تھے۔ بین الاقوامی مہم جوئی کے ان مقابلوں میں 20 ٹیموں نے حصہ لیا۔ پاک آرمی کی ٹیم نے انٹرنیشنل کیٹیگری میں سونے کا تمغہ جیتا۔
پاک فوج اعزاز