مظفر گڑھ:کھیتوں میں بھینس گھسنے پر زمیندار نے بزرگ شہری کو درختوں سے باندھ دیا
مظفر گڑھ (ویب ڈیسک) ضلع مظفر گڑھ کے علاقے رنگ پور میں بھینس کے کھیتوں میں گھسنے پر زمیندار نے 65 سالہ بزرگ شخص کو تشدد کا نشانہ بنا کر درختوں سے باندھ دیا۔
جیو نیوز کے مطابق بھینس کے کھیتوں میں گھسنے پر مقامی زمیندار نے اپنی ہی عدالت لگالی ۔ملزمان نے 65 سالہ بزرگ غلام شبیر کو تشدد کا نشانہ بنایا اور کئی گھنٹوں تک درخت کے ساتھ باندھے رکھا۔
مظفر گڑھ:کھیتوں میں بھینس گھسنے پر زمیندار نے بزرگ شہری کو درختوں سے باندھ دیا pic.twitter.com/eOvrZthYLc
— Hoorain Pervaiz ???????? (@HoorainPervaiz) March 21, 2021
ترجمان پنجاب پولیس کے مطابق مقامی پولیس نے واقعے کے بعد فوری کارروائی کرتے ہوئے مقدمہ درج کرکے نامزد ملزم سمیت 2 ملزمان کو گرفتار کر لیا ہے۔
ترجمان کے مطابق مزید ملزمان کی گرفتاری کے لیے چھاپے بھی مارے جارہے ہیں۔