نیب کی جانب سے رینجرز طلب کرنے پر مریم نواز بھی میدان میں آگئیں
لاہور(ڈیلی پاکستان آن لائن )قومی ادارہ برائے احتساب (نیب )کی جانب سے مسلم لیگ ن کی نائب صدر مریم نواز کی پیشی پر پولیس اور ر ینجرز طلب کیے جانے کے بعد مریم نواز خود بھی میدان میں آگئیں ۔مائیکروبلاگنگ ویب سائٹ ٹوئٹر پر ان کا کہنا تھا کہ ڈرتے ہیں نیب والے ایک نہتی لڑکی سے! اسی نہتی لڑکی سے جس پر نیب نے قاتلانہ حملہ کیا۔ ان کا کہنا تھا کہ جو سلوک نیب نے دورانِ حراست مریم سے رکھا، اس کی تفصیل اور حساب ابھی باقی ہے، ناموں سمیت قوم کے سامنے سب آئے گا۔
ڈرتے ہیں NAB والے ایک نہتی لڑکی سے! اسی نہتی لڑکی سے جس پر NAB نے قاتلانہ حملہ کیا۔ اور جو سلوک NAB نے دورانِ حراست مریم سے رکھا، اس کی تفصیل اور حساب ابھی باقی ہے۔ سب آئے گا قوم کے سامنے، ناموں سمیت۔ انشاءاللّہ! pic.twitter.com/WzKRkpXO8c
— Maryam Nawaz Sharif (@MaryamNSharif) March 22, 2021
واضح رہے کہ مریم نواز نے 26مارچ کو نیب لاہور میں پیش ہونا ہے اور اس حوالے سے مسلم لیگ ن اور اپوزیشن اتحاد کے کارکنان بھی ان کے ہمراہ نیب آفس پہنچے گے ،ایسی صورتحال میں کسی بد نظمی سے بچنے کے لیے نیب نے پولیس اور رینجرز کو طلب کرنے کی درخواست دے دی ہے ۔
