تحریک انصاف کے اہم رہنما اور سابق وزیر مملکت کے گھر پولیس کا چھاپہ
اسلام آباد(ڈیلی پاکستان آن لائن)پاکستان تحریک انصاف کے رہنما اورسابق وزیر مراد سعید کے گھر پر اسلام آباد پولیس نے چھاپہ مارا ہے۔
سابق وزیرمواصلات مراد سعید نےٹویٹر پر سوال اٹھایا کہ جعلی ایف آئی آرز میں ضمانتوں کے باوجود اسلام آباد پولیس کے میرے گھر پر ریڈ کرنے کی وجہ؟ وہ بھی ایسے وقت جب گھر پر صرف خواتین موجود تھیں؟
مراد سعید نے اپنے ٹویٹ میں مزید سوالات اٹھائے کہ تھانہ آبپارہ نے اگست میں تب میری درخواست پر ایف آئی آر درج نہیں کی جب رات دو بجے میرے گھر اسلحہ بردار موٹرسائیکل سوار آئے بلکہ انہیں پولیس نے براستہ ریڈ زون فرار کرایا لیکن مجھے درپیش خطرات کے باوجود گارڈ کو گرفتار کرلیا۔ کیا ریاستی اداروں کا کام ہراسگی رہ گیا ہے؟
جعلی ایف آئ آرز میں ضمانتوں کے باوجود اسلام آباد پولیس کے میرے گھر پر ریڈ کرنے کی وجہ؟ وہ بھی ایسے وقت جب گھر پر صرف خواتین موجود تھیں؟ pic.twitter.com/Kz6A92Hudn
— Murad Saeed (@MuradSaeedPTI) March 21, 2023
