لاہو رہائیکورٹ کاعمران خان کیخلاف مقدمات کی تفصیلات فراہم کرنے کا حکم،نیب اور اینٹی کرپشن کو 24 مارچ تک کارروائی سے روک دیا
لاہور(ڈیلی پاکستان آن لائن)لاہور ہائیکورٹ نے عمران خان کیخلاف مقدمات کی تفصیلات فراہم کرنے کا حکم دیتے ہوئے نیب اور اینٹی کرپشن کو 24 مارچ تک کارروائی سے روک دیا۔
نجی ٹی وی چینل دنیا نیوز کے مطابق چیئرمین پی ٹی آئی عمران خان کے خلاف درج مقدمات کی تفصیلات کیلئے کیس کی سماعت ہوئی، سرکاری وکیل نے بیان حلفی کے ساتھ رپورٹ جمع کرا دی ،نیب وکیل نے رپورٹ فراہم کرنے کےلئے ایک دن کا وقت مانگ لیا، جسٹس طارق سلیم شیخ نے کہاکہ میں تو چاہتا ہوں کہ کیس ابھی ختم کردیں، آپ ریکارڈ فراہم کردیں، سرکاری وکیل نے لمبی تاریخ پر اعتراض کردیا۔
عدالت کا تمام اداروں کو 24 مارچ تک مقدمات سے متعلق تفصیلات فراہم کرنے کا حکم دیدیا ،عدالت نے نیب اور اینٹی کرپشن کو عمران خان کیخلاف24 کارروائی سے روک دیا۔
