دہشتگردوں اورمسلح جتھوں کو قابوکرنےکے لیےپارلیمنٹ اداروں کو اختیارات دے، رانا ثنااللہ کا پارلیمنٹ کے مشترکہ اجلاس سے خطاب
اسلام آباد(ڈیلی پاکستان آن لائن)وزیر داخلہ رانا ثناءاللہ نے کہاہے کہ پارلیمنٹ مسلح جتھوں اوردہشتگردوں کو قابوکرنے کیلئے قانون نافذ کرنے والے اداروں کواختیارات دے۔
انہوں نے کہا کہ عمران خان نے مسلح جتھے لیکر اسلام آباد پر چڑھائی کی ، زمان پارک میں فائرنگ کی گئی، غلیلوں کا استعمال کیا گیا جس سے پولیس اہلکار زخمی ہوئے مگر پولیس کی جانب سے ایک سنگل فائر نہیں کیا گیا، مسلح جتھوں اوردہشتگردوں کو کنٹرول کرنےکیلئے قانون نافذ کرنے والے اداروں کو تمام اختیارات دیے جائیں، گزشتہ گیارہ ماہ میں سیاسی اور انتظامی بحران پیدا کیا گیا اور افرا تفری پھیلائی گئی، یہ ایک فتنہ ہے اس کا ادارک نہ کیا تو ملک کو نقصان پہنچائے گا۔
انہوں نے کہا اہم تعیناتی متنازع بنانے کیلئے وزیرآبادواقعہ استعمال کرنےکی کوشش کی گئی،کہہ رہاتھاراناثنااللہ کوچھپنے کی جگہ نہیں ملے گی،26 نومبرکہاانسانوں کاسمندرلےکرآؤں گا،سیاسی عدم استحکام تک ملک میں معاشی استحکام نہیں ہوگا۔
رانا ثنااللہ نے کہا کہ پارلیمنٹ کو تین نکات پر رہنمائی کرنے کی ضرورت ہے، اس وقت سیاسی ، انتظامی اور عدالتی بحران پیدا کیا گیا ہے،دوسرا الیکشن پر اور تیسرا معاشی صورتحال پر رہنمائی کرنی ہوگی۔
