نجم سیٹھی اور ذکاءاشرف کی لڑائی میں کرکٹ کا ناقابل تلافی نقصان
پاکستان کرکٹ بورڈ اس وقت شدید مشکلات کا شکار ہے ابھی تک اس بات کا تعین ہی نہیں ہوسکا کہ کرکٹ بورڈ کا سربراہ کون ہے اس وقت نجم سیٹھی اور ذکاءاشرف کے درمیان جو جنگ جاری ہے وہ سب کے سامنے ہے اور اس کے حتمی نتیجہ کا سب کو شدت سے انتظار ہے یہ دو افراد کی جنگ نہیں ہے بلکہ اس سے جو نقصان ہورہا ہے اس سے ہم ابھی لاعلم ہیں اور اس کے نتائج مستقبل میں سامنے آئیں گے حال ہی میں ذکاءاشرف کی بحالی کا جب اعلان ہوا تھا تو اس وقت ایسا لگ رہا تھا کہ اب شائد یہ سلسلہ رک جائے گا لیکن فوری طور پر ہی ان کےخلاف کیس دائر کردیا گیا اور پھر فیصلہ نجم سیٹھی کی بحالی پر آگیا اور اب مزید چند د ن تک سماعت ملتوی کردی گئی ہے اب کیا ہوگا اس کا سب کو بہت شدت سے انتظار ہے لیکن کسی کو بھی یہ نہیں پتہ کہ یہ سلسلہ کب رکے گا اس وقت پاکستان کرکٹ ٹیم کا جو حال ہے اور اس کی جو کارکردگی اس کو بہتر بنانے کی ضرورت ہے اور اس کو بھرپور توجہ دینے کی ضرورت ہے جو چیئرمین آتا ہے وہ اپنی مرضی کی ٹیم لیکر آتا ہے اور اس طرح بورڈ میں کوئی کام نہیں ہورہا ہے جب تک مستقل چیئرمین کی تقرری نہیں ہوگی اس وقت تک مستقل بنیادوں پر کام نہیں ہوسکتا اور اس وجہ سے پاکستان کرکٹ بورڈ کے کارکنوں میں بھی بہت بے چینی پائی جاتی ہے جس کو بہت جلد ختم کرنے کی ضرورت ہے اب معاملہ کہا ں جاکر رکے گا اس کے لئے انتظار کی ضرورت ہے سابق کرکٹروں نے بھی اس صورتحال پر شدید تحفظات کا اظہار کیا ہے اور ان کا کہنا ہے کہ یہ نہیں ہونا چاہئیے عدالتی فیصلے پر عمل درآمد ضروری ہے لیکن جو کچھ ہورہا ہے اس سے بھی پوری دنیا میں پاکستان کرکٹ کی جگ ہنسائی ہورہی ہے اور پاکستان میں اس سے کرکٹ کو ناقابل تلافی نقصان پہنچ رہا ہے امید ہے کہ اس حوالے سے جلد ہی کوئی ایسا فیصلہ سامنے آئے گا جب یہ سلسلہ تھم جائے گا پاکستان کرکٹ ٹیم کی تشکیل نو کے ساتھ ساتھ کرکٹ بورڈ نے ابھی بہت کام کرنا ہے اور یہ اس وقت تک نہیں ہوسکتا جب تک معاملات ایک طرف نہ ہوجائیں بہرحال جو ہوا یہ درست نہیں ہے جو جنگ جاری ہے اب یہ انا کا مسئلہ بن گیا ہے اور اس سے نقصان صرف اور صرف کرکٹ کا ہورہا ہے۔
