مقبوضہ کشمیر،جھڑپ میں زخمی بچہ ہسپتال میں شہید،سرینگر میں ہنگامے پھوٹ پڑے
سرینگر(آئی این پی)مقبوضہ کشمیر میں گزشتہ روز بھارتی فوجیوں اور مجاہدین کے درمیان سرینگر میں جھڑپ کے دوران زخمی ہونے والا کشمیری کمسن نوجوان باسم اعجاز بدھ کو زخموں کی تاب نہ لاتے ہوئے شہید ہوگیا،جب باسم کا جنازہ قبرستان شہدا عیدگاہ پہنچا تو پولیس اور نوجوانوں کے مابین جھڑپوں کے بعد شدید ہنگامے پھوٹ پڑے۔ بارہ سالہ باسم اعجازجو ساتویں جماعت کا طالب علم تھا گزشتہ روز سرینگر کے علاقے نوا کدل میں مجاہدین اور بھارتی فوج کے درمیان جھڑپ کے دوران ایک مکان منہدم ہونے کی وجہ سے تین دیگر کشمیریوں کے ہمراہ شدید زخمی ہو گیا تھا جو زخموں کی تاب نہ لاتے ہوئے چل بسا۔ وہ سرینگر کے ایس ایم ایچ ایس ہسپتال میں زیر علاج تھا۔ گزشتہ روز نوا کدل میں ایک جھڑپ کے دوران حزب المجاہدین کے اعلی کمانڈر جنید صحرائی اپنے ایک ساتھی طارق احمد کے ہمراہ شہید ہو گئے تھے۔
ہنگامے
