کورونا وائرس، وہ بڑا اور امیر اسلامی ملک کی جس کی بھیجی گئی امداد قبول کرنے سے فلسطین نے انکار کر دیا

کورونا وائرس، وہ بڑا اور امیر اسلامی ملک کی جس کی بھیجی گئی امداد قبول کرنے ...
کورونا وائرس، وہ بڑا اور امیر اسلامی ملک کی جس کی بھیجی گئی امداد قبول کرنے سے فلسطین نے انکار کر دیا

  

لاہور (ڈیلی پاکستان آن لائن )فلسطینی حکام نے کورونا وائرس کیلئے متحدہ عرب امارات کی امداد قبول کرنے سے انکار کردیا ہے ۔

عرب خبر رساں ادارے کے مطابق فلسطینی اتھارٹی نے بذریعہ اسرائیلی ائیرپورٹ امداد بھیجنے پر متحدہ عرب امارات کی امداد کو مسترد کردیا اور اسے قبول کرنے سے انکار کردیا۔فلسطینی وزیر صحت نے نیوز کانفرنس میں کہا کہ اماراتی حکام نے امداد کے لیے ہم سے کسی بھی قسم کا رابطہ نہیں کیا جب کہ تل ابیب ائیرپورٹ کے ذریعے امداد بھیجنا اسرائیل کے ساتھ تعلقات معمول کے مطابق بتانا ہے۔

انہوں نےکہا کہ متحدہ عرب امارات نے امداد کے سلسلے میں فلسطینی حکام کو نظر انداز کیا لہٰذا بغیر کسی رابطے کے امداد کو مسترد کرتے ہیں اور اسے قبول نہیں کریں گے۔فلسطینی وزیر صحت کا کہنا تھا کہ ہم ایک خودمختار ملک ہیں اس لیے اماراتی حکام کو سب سے پہلے ہم سے رابطہ کرنا چاہیے تھا۔

واضح رہے کہ منگل کے روز امارات کا سرکاری طیارہ ابو ظبی سے فلسطین کے لیے طبی امداد لے کر اسرائیلی ائیرپورٹ پہنچا تھا جو اسرائیل اور متحدہ عرب امارات کے سرکاری تعلقات نہ ہونے کے باوجود پہلی پرواز تھی۔

مزید :

عرب دنیا -