ایران نے اپنے تین نئے ہتھیاروں کی نمائش کردی، دنیا پر رعب بٹھا دیا

ایران نے اپنے تین نئے ہتھیاروں کی نمائش کردی، دنیا پر رعب بٹھا دیا
ایران نے اپنے تین نئے ہتھیاروں کی نمائش کردی، دنیا پر رعب بٹھا دیا

  

تہران(مانیٹرنگ ڈیسک) ایران کی طرف سے تین نئے ہتھیاروں کی گزشتہ روز نمائش کی گئی ہے جن میں ایک بم لیجانے کی صلاحیت کا حامل ڈرون طیارہ بھی شامل ہے جس کا نام ’غزہ‘ رکھا گیا ہے۔ میل آن لائن کے مطابق پاسداران انقلاب کی طرف سے بتایا گیا ہے کہ غزہ نامی یہ ڈرون طیارہ13بم اور 500کلوگرام وزنی الیکٹرانک سامان 1ہزار 250میل (تقریباً 2ہزار کلومیٹر)کے فاصلے تک لیجانے کی صلاحیت رکھتا ہے۔ یہ طیارہ مسلسل 35گھنٹے پرواز کر سکتا ہے۔اسے ’غزہ‘ کا نام اسرائیلی قبضے کے خلاف ڈٹے رہنے والے فلسطینیوں کے اعزاز میں دیا گیا ہے۔

پاسداران انقلاب کے سربراہ میجر جنرل حسین سلیمی کا کہنا ہے کہ ”اس ڈرون کے ذریعے ہم ان لوگوں کو خراج تحسین پیش کرتے ہیں جو آج فلسطین پر صہیونی قبضے کے خلاف ڈٹ کر کھڑے ہیں۔ “رپورٹ کے مطابق پاسداران انقلاب کی طرف سے اس ڈرون کے ساتھ زمین سے فضاءمیں مار کرنے والے ایک جدید میزائل اور قدس نامی ریڈار کی رونمائی بھی کی گئی ہے۔ 

مزید :

بین الاقوامی -